08 اقپان، 2014

سىرتقى نارىق – باستى ىقپالداستىق

156 رەت كورسەتىلدى
x_8787ed6aپەتروپاۆل قۇرىلىس ماتەريالدارى زاۋىتى 2007 جىلدان بەرى رەسەيلىك كاسىپورىندارمەن تىعىز ەكونوميكالىق قارىم-قاتىناستا جۇمىس ىستەپ كەلەدى. سوعان وراي شەتەلدىك ارىپتەستەرىمىز تاراپىنان قۇرىلىس يندۋسترياسىنىڭ نارىق تالاپتارىنا جاۋاپ بەرە­تىن قۇرىلىس ونىمدەرى مەن بۇيىم­دارىنا دەگەن سۇرانىستىڭ وسكەنى بايقالادى. جاڭا تەحنولوگيالاردى ەنگىزۋ، قۇرىلىس ماتەريالدارى­نىڭ ءتيىمدى جانە ەكولوگيالىق تازا زاماناۋي ۇلگىلەرىن شىعارۋ ەكى جاققا دا وتە ءتيىمدى ەكەنى بايقالىپ، بىرىككەن كاسىپورىن قۇرۋ ىنتىماعىنا جانە ينتەگراتسيالىق ۇدەرىستەردىڭ دامۋىنا كەڭ جول اشىلدى. قۇرىلىس ماتەريالدارى نا­رى­عىنداعى سۇرانىستى سارالاي وتىرىپ، زاۋىت سۋ قىسىمىنا شىدامدى پوليەتيلەن قۇبىرلارىن، «مونتەررەي» جانە «كاسكاد» مەتالل جابىندىلارىن، پروفيلەن توسەندىلەرىن، سەندۆيچ-پانەلدەرىن دە شىعارا باستادى. تاپسىرىس بەرۋشى تاراپ پوليەتيلەن قۇبىرلارىن كوپتەگەن سەبەپتەر بويىنشا تاڭدايدى. سولاردىڭ ىشىندە باستىسى – ولاردىڭ ۇزاق مەرزىمدە پايدالانىلۋى، سۋىق سۋمەن قامتاماسىز ەتۋ جۇيەسىندەگى كەپىلدى قىزمەت مەرزىمىنىڭ 50 جىلدان كەم ەمەستىگى. پوليەتيلەننەن جاسالعان قۇبىر ءتۇرلى كولەمدەگى قوسىندىلار تۇرىندە اۋىز سۋعا قوسىلاتىن حلورعا جانە قىش­قىل­دارعا ءتوزىمدى. وتكىزۋ قابى­لەت­تىلىگى پايدالانىلعان كەزدە قۇبىر بويىنشا سۋ ايداۋعا كەتەتىن قۋات شىعىندارىن 5-8 پايىزعا تومەندەتۋگە مۇمكىندىك بەرەدى. مەتالل جابىندىلارىنىڭ باستى ارتىقشىلىعى رەتىندە ولاردىڭ ءداستۇرلى وسىمدەردىڭ بارلىق ارتىقشىلىعىنا يە بولا وتىرىپ، اناعۇرلىم ءساندى كورىنەتىنىن، ال جيناۋىنىڭ وتە قا­را­پايىم­دىلىعىن، مەتالل جابىندىلار قۇرىل­عى­لا­رىنىڭ جەڭىلدىگىن، پايدا­لا­نۋعا قولايلىلىعى مەن قارا­پا­يىمدىلىعىن شەكارالىق ايماقتاردا ورنالاسقان تۇمەن، ومبى، قورعان وبلىستارىنىڭ كاسىپكەرلەرى جوعارى باعالاپ وتىر. شىنىندا دا، پروفيلەن توسەندى – امبەباپ ماتەريال، ول بەلدىك قۇرىلعىلاردىڭ ءۇستىن جابۋ ءۇشىن قالاي قولدانىلسا، تۇرعىن ۇيلەر، وندىرىستىك جانە تۇرمىستىق عيماراتتار قۇرىلىستارى كەزىندە قابىرعالار مەن توبەلەردى جابۋعا دا ابدەن ىڭعايلى. سەندۆيچ-پانەلدەر تۇرعىن ۇيلەردەگى سياقتى، ونەركاسىپتىك قۇرىلىستا دا ۇلكەن سۇرانىسقا يە. ونىڭ تەپ-تەگىس بەتى قوسىمشا وڭدەۋدى تالاپ ەتپەيدى، سەندۆيچ-پانەلدەردىڭ ىلعال تارتقىشتىعى تومەن جانە جاقسى جىلۋ ساقتاعىش قاسيەتى بار. سوندىقتان ول، ءتىپتى، قيىر سولتۇستىك وڭىرلەردە قۇرىلىس جۇرگىزۋگە مۇمكىندىك بەرەدى. بىردەن بويالىپ شىعارىلاتىندىقتان، عيماراتتىڭ ارلەپ-سىرلاۋ جۇمىس­تارىنىڭ قۇنى دا ءبىرشاما تومەن. ءتورت جىلدان بەرى قۇرىلىمدىق جىلۋ ساقتاعىش پانەلدەر ءوندى­رىسىن سەريالاپ شىعارۋدى ۇيىم­داستىرىپ كەلەمىز. بۇل ءتاجى­ري­بەمىزگە دە الىس-جاقىن شەتەل­دەردەگى ارىپتەستەرىمىز ەرەكشە قىزىعۋشىلىق تانىتتى. ءسىرا، تۇرعىن ۇيلەر جانە جە­ڭىل كوم­­مەرتسيالىق عيمارات­تار قابىر­عالارىنىڭ تەز تۇرعى­زى­لاتىنى، مايىسقىش بەرىكتىك شەگى كورسەتكىشتەرى بويىنشا قۇ­­رى­لىمدىق تۇتاستىعىنىڭ قۇرىلىستىق اعاشتان سالىنعان ستاندارتتى ۇيدەن اناعۇرلىم اسىپ تۇسەتىن ارتىقشىلىقتارى نازارلارىن اۋدارسا كەرەك. 2010 جىلدان بەرى جەتى جوبا پايدالانۋعا بەرىلىپ، جەراستى جانە جەرۇستى بولات، پوليەتيلەن قۇبىرلار تارتۋ تەحنولوگيالارى جەتىلە ءتۇستى. IMG_9708بۇگىندە كاسىپورىندا ءار­تۇر­لى قۇ­رىلىس ماتەريالدارىن شىعا­راتىن ون سەگىز تەحنو­­لو­­گيالىق جەلى ورناتىلىپ، ساپا مەنەدجمەنتى جۇيەسى بويىنشا جۇمىس ىستەيدى. مۇنىڭ ءوزى كوتتەدجدىك قۇرىلىستار، جىلدام تۇرعىزىلاتىن عيماراتتار جانە ارنايى عيماراتتار ءۇشىن قۇرىلىس ماتەريالدارىنا قويىلاتىن ەرەكشە تالاپتاردى ساقتاۋعا كومەك­تەسەدى. شىعارىلاتىن ءونىم­دەرگە تۇتىنۋشىلاردىڭ جوعارى قىزى­عۋشىلىعى مەن سۇرانىسىنا ءارتۇرلى بايقاۋلاردا جەڭىپ العان سەرتيفيكاتتار، ديپلومدار، العىس حاتتار ايعاق بولا الادى. ولاردىڭ ىشىندە «التىن ياگۋار» حالىقارا­لىق سىيلىعىنا يە بولعانىمىز­دى ايتساق تا جەتكىلىكتى. جەتەكشى ونەركاسىپشىلەردەن، بيزنەسمەندەردەن، بيۋدجەت قىزمەتكەرلەرىنەن، جۋرناليستەردەن قۇرالعان ىسكەر توپتار اسسامبلەياسى زاۋىتتىڭ شارۋاشىلىق-اۋىز سۋىمەن قامتاماسىز ەتەتىن قىسىمعا شىدامدى پوليەتيلەن قۇبىرلارىنا «جوعارى سىناماق» ساپا بەلگىسىن بەردى. ساپانى ارتتىرۋ جانە ءونىم تۇرلەرىن كوبەيتۋ – ەلباسىمىزدىڭ بيىلعى جولداۋىندا قويىلعان باستى تالاپتاردىڭ ءبىرى. ەڭبەك­كەرلەرىمىز ترەنينگتەر مەن سەمي­نار­لارعا جۇيەلى قاتىسادى. ولار­دىڭ تاجىريبەلەرىن جەتىل­دىرۋ، بىلىكتىلىگىن ارتتىرۋ ۇدايى نازارىمىزدا. شەتەلدىك ءارىپ­­تەس­تەرىمىزدەن دە ۇيرەنەرىمىز كوپ. ەلىمىزدە قۇرىلىس يندۋسترياسى وركەندەپ، قانات جايىپ كەلەدى. ءبىز ونىمدەرىمىزدى ىشكى نارىقپەن شەكتەلمەي، وسى زامانعى باسەكەگە ىڭعايلانا وتىرىپ الىس-جاقىن شەتەلدەرگە جونەلتۋدى ماقسات ەتىپ وتىرمىز. بۇل ورايدا، رەسەيلىكتەر نەگىزگى تۇتىنۋشىلار بولىپ تابىلادى. بۇگىندە سىرتقى نارىققا باعدارلانعان ءارتۇرلى ماركالى پو­ليەتيلەن قۇبىرلارى رەسەي فە­دەراتسياسىنىڭ قورعان، ومبى جانە ءنوۆوسىبىر وبلىستارىنا ءجو­نەلتىلۋدە. الەكساندر كوندراتوۆ، «پەتروپاۆل قۇرىلىس ماتەريال­دارى زاۋىتى» جشس-ءنىڭ باس ديرەكتورى. سولتۇستىك قازاقستان وبلىسى.
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار