قوعام • 04 قازان، 2021

زەينەتاقى جۇيەسىن جاڭعىرتۋدىڭ تۇجىرىمداماسىنا تۇزەتۋلەر ەنگىزىلدى

1247 رەت كورسەتىلدى

قر ەڭبەك جانە حالىقتى الەۋمەتتىك قورعاۋ مينيسترلىگى مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسىنىڭ زەينەتاقى جۇيەسىن ودان ءارى جاڭعىرتۋدىڭ 2030 جىلعا دەيىنگى تۇجىرىمداماسىنا وزگەرىستەر مەن تولىقتىرۋلار ەنگىزۋ بويىنشا جۇمىس جۇرگىزۋدە، دەپ حابارلايدى Egemen.kz قر ەحاقم ءباسپاسوز قىزمەتىنە سىلتەمە جاساپ.

زەينەتاقى جۇيەسىن ودان ءارى جەتىلدىرۋ بويىنشا ۇسىنىستاردى 2019 جىلى قر ۇكىمەتى جانىنان قۇرىلعان جۇمىس توبى ۇزاق مەرزىمدى اكتۋارلىق مودەلدەردى قۇرۋ نەگىزىندە ازىرلەدى.

بۇل جۇمىستىڭ ماڭىزدى باعىتى - ەڭ تومەنگى كەپىلدىكتەر جۇيەسىن جەتىلدىرۋ. قولدانىستاعى تۇجىرىمدامادا بازالىق زەينەتاقى تولەمىنەن 2028 جىلدان باستاپ ەڭ تومەنگى كەپىلدەندىرىلگەن زەينەتاقىعا كوشۋ كوزدەلگەنىن اتاپ وتكەن ءجون. سوندىقتان ەڭ تومەنگى كەپىلدى زەينەتاقىنى تاعايىنداۋ تەتىگى بازالىق زەينەتاقىنى تاعايىنداۋدىڭ قولدانىستاعى ادىستەمەسىنە نەگىزدەلگەن.

قر ەحاقم الەۋمەتتىك ساقتاندىرۋ، بازالىق الەۋمەتتىك جانە زەينەتاقىمەن قامسىزداندىرۋ ساياساتى دەپارتامەنتىنىڭ ديرەكتورى ۆيكتوريا شەگايدىڭ ايتۋىنشا، قازىرگى ۋاقىتتا ەڭ تومەنگى كەپىلدەندىرىلگەن زەينەتاقىنى تاعايىنداۋ تەتىگى پىسىقتالۋدا. ول مىنالاردى كوزدەيدى:

  • ەڭ تومەنگى مولشەردى ەڭ تومەنگى كۇنكورىس دەڭگەيىنەن (ەتك) 54%-دان 70%-عا دەيىن ۇلعايتۋ ۇسىنىلادى;
  • قاتىسۋدىڭ ەڭ تومەنگى ءوتىلىن 10 جىلدان 5 جىلعا دەيىن ازايتۋ;
  • زەينەتاقى مولشەرىن بارىنشا شەكتەۋدى الىپ تاستاۋ (قازىرگى ۋاقىتتا ەڭ جوعارى شەكتەۋ 33 جىل جانە ودان جوعارى ءوتىلى بار 1 پم قۇرايدى).

ەڭ تومەنگى كەپىلدەندىرىلگەن زەينەتاقىعا كوشۋ زەينەتاقىمەن قامسىزداندىرۋ دەڭگەيىن ارتتىرۋدى، بارلىق ازاماتتارعا بىرىڭعاي كوزقاراستى، ەڭ تومەنگى كەپىلدىكتەر جۇيەسىن جەتىلدىرۋدى، زەينەتكەرلىك الدىنداعى جانە زەينەتكەرلىك جاستاعى ازاماتتاردىڭ ەڭبەك قاتىناستارىن جانە جۇمىسپەن قامتىلۋىن ىنتالاندىرۋدى قامتاماسىز ەتۋگە مۇمكىندىك بەرەدى، بۇل حالىقارالىق ساراپشىلاردىڭ ۇسىنىمدارىنا سايكەس كەلەدى.

«بۇل رەتتە تۇجىرىمدامادا زەينەتكەرلىك جاسقا جەتكەن ادامدار ءۇشىن زەينەتكە «كەيىنگە قالدىرۋ» قۇقىعىن بەرۋ كوزدەلەدى. بۇل بولاشاقتا ۇلكەن مولشەردە ەڭ تومەنگى كەپىلدەندىرىلگەن زەينەتاقى الۋعا مۇمكىندىك بەرەدى. زەينەتكەرلىك جاسقا جەتكەننەن كەيىنگى ەڭبەك كەزەڭدەرى ونىڭ مولشەرىن انىقتاۋ كەزىندە ەسكەرىلەتىن بولادى»، دەپ حابارلادى ۆيكتوريا شەگاي.

جاڭعىرتۋدىڭ تاعى ءبىر ماڭىزدى باعىتتارىنىڭ ءبىرى 2023 جىلدان باستاپ جۇمىس بەرۋشىلەردىڭ 5% مىندەتتى زەينەتاقى جارنالارىن (جمزج) ەنگىزۋ بولىپ تابىلادى. جۇمىس بەرۋشىلەر ءوز قاراجاتى ەسەبىنەن ءوز جۇمىسكەرلەرىنىڭ پايداسىنا جۇمىسكەردىڭ تابىستارىنان مىندەتتى 5% زەينەتاقى جارنالارىن اۋداراتىن بولادى.

قازىرگى ۋاقىتتا قازاقستان رەسپۋبليكاسىنىڭ زەينەتاقى جۇيەسىن ودان ءارى جاڭعىرتۋدىڭ 2030 جىلعا دەيىنگى تۇجىرىمداماسى تۋرالى «قازاقستان رەسپۋبليكاسى پرەزيدەنتىنىڭ 2014 جىلعى 18 ماۋسىمداعى № 841 جارلىعىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ پرەزيدەنتى جارلىعىنىڭ جوباسى تۋرالى» قر ۇكىمەتى قاۋلىسىنىڭ جوباسى مۇددەلى مەملەكەتتىك ورگاندارمەن كەلىسىلەدى.

سوڭعى جاڭالىقتار

«نورۆەگ ورمانى» نەگە جازىلدى؟

ادەبيەت • بۇگىن، 22:30

ولكەتانۋشى

قازاقستان • بۇگىن، 22:21

كەبەنەك

تاريح • بۇگىن، 22:19

تۇركيا تىم ۇزاپ كەتتى

سپورت • بۇگىن، 22:12

ساۋكەلە

ونەر • بۇگىن، 21:57

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار