Kyodo اگەنتتىگىنىڭ جازۋىنشا, وتكەن ايدىڭ باسىندا شتات باسشىسى يوشيحيدە سۋگا پارتيا باسشىسى لاۋازىمىنا ۇسىنىلمايتىنىن جەتكىزگەن. بۇل ونىڭ پرەمەر-مينيستر قىزمەتىنەن كەتەتىنىن بىلدىرەدى.
وتكەن سارسەنبىدە پارتيالىق سايلاۋدا 2012-2017 جىلدارى سىرتقى ىستەر ءمينيسترى بولعان فۋميو كيشيدا جەڭىسكە جەتتى.
بۇگىن, 4 قازان كۇنى جاپونيا پارلامەنتىنىڭ ەكى پالاتاسى دا پرەمەر-ءمينيستردىڭ كانديداتۋراسىنا داۋىس بەرەدى. كەيىن ول مينيسترلەر كابينەتىن تاعايىندايدى.
مينيسترلىككە كانديداتتاردى ىرىكتەۋ دەمالىس كۇندەرى اياقتالدى. الدىن الا دەرەكتەر بويىنشا, ۇكىمەتتىڭ باس حاتشىسى حيروكازۋ ماتسۋنو بولادى. بۇرىنعى ۇكىمەتتەن تەك ءۇش ادام جاڭا كابينەتكە اۋىسۋى مۇمكىن. ولار: سىرتقى ىستەر ءمينيسترى توشيميتسۋ موتەگي مەن قورعانىس ءمينيسترى نوبۋو كيشي ءوز قىزمەتتەرىن ساقتاپ قالادى, ال كويچي حاگيۋدا ەكونوميكا, ساۋدا جانە ونەركاسىپ مينيسترلىگىن باسقارادى. ول بۇرىن عىلىم جانە ءبىلىم مينيسترلىگىن باسقارعان.
