رۋحانيات • 03 قازان، 2021

ەلوردادا ىبىراي ءالتىنساريننىڭ ءبيۋستى اشىلدى

234 رەت كورسەتىلدى

بۇگىن نۇر-سۇلتاندا تاۋەلسىزدىكتىڭ 30 جىلدىعى جانە ۇستازدار كۇنى قارساڭىندا ۇلى اعارتۋشى، قوعام قايراتكەرى – ىبىراي ءالتىنساريننىڭ ءبيۋستى اشىلدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

ىبىراي التىنسارين ءبيۋستى ەلورداداعى №83 مەكتەپتىڭ الدىنا ورناتىلدى. ءبيۋستتىڭ بيىكتىگى تۇعىرىن قوسا العاندا 4 مەتردەن اسادى. تۋىندى اۆتورى – نۇربول قاليەۆ. ءبيۋستىڭ تۇعىرى گرانيتتەن، ال ءمۇسىننىڭ ءوزى قولادان قۇيىلعان.

سالتاناتتى اشىلۋ راسىمىنە نۇر-سۇلتان قالاسى اكىمىنىڭ ورىنباسارى اسحات ورالوۆ، نۇر-سۇلتان قالاسى ءماسليحاتىنىڭ دەپۋتاتى، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ، اقىن، قوعام قايراتكەرى نەسىپبەك ايت ۇلى جانە باسقا دا قوعام وكىلدەرى قاتىستى.

«ەل تاريحىنداعى ەلەۋلى تۇلعالاردى ۇلىقتاۋ – ءبىزدىڭ پارىزىمىز. بۇگىن ءبىز قازاق حالقىنىڭ اياۋلى پەرزەنتى سانالى عۇمىرىن، قاجىر-قايراتىن بالا تاربيەلەۋگە جانە حالىقتىڭ اعارتۋ ىسىنە ارناعان ۇلى تۇلعامىز ى.ءالتىنساريننىڭ ءبيۋستىن اشۋعا جينالىپ وتىرمىز. بۇل اعارتۋشىنىڭ 180 جىلدىق مەرەيتويىنا ارنالعان يگى شارا دەپ ەسەپتەيمىز. الداعى ۋاقىتتا ءدال وسى №83 ورتا مەكتەبىنە ى.ءالتىنساريننىڭ ەسىمى بەرىلەدى دەگەن جوسپارىمىز بار. مۇنداي يگى باستامالاردى ارى قاراي دا جالعاستىرا بەرەمىز. وسى جىل ەل تاريحىنداعى ەرەكشە جىل. ەل تاۋەلسىزدىگىنىڭ 30 جىلدىعى بارشاڭىزعا قۇتتى بولسىن! ەندىگى كەزەكتە وسى ءساتتى پايدالانا وتىرىپ بارشا ۇستازدار قاۋىمىن ەرتەڭگى مەرەكەمەن شىن جۇرەكتەن قۇتتىقتايمىن. ارقايسىڭىزعا زور دەنساۋلىق، ۇيلەرىڭىزگە قۇت-بەرەكە، جۇمىستارىڭىزعا تابىس تىلەيمىن! ەلىمىزدىڭ گۇلدەنۋى ءۇشىن تامشىداي بولسا دا ۇلەسىمىزدى قوسا بەرەيىك!»، دەدى نۇر-سۇلتان قالاسى اكىمىنىڭ ورىنباسارى اسحات ورالوۆ.

ءبيۋستتىڭ سالتاناتتى اشىلۋىنا قاتىسقان قوعام قايراتكەرلەرى «التىنسارين ارمانداعان كۇنگە بۇگىنگى ۇرپاق جەتىپ وتىر»، دەدى.


سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار