30 قىركۇيەك كۇنى رەسپۋبليكالىق «وحوتزووپروم» مەكەمە قىزمەتكەرلەرىمەن جاڭاقورعان اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورلارى بىرلەسىپ جاڭاقورعان اۋدانىنىڭ اۋماعىنا رەيدتىك شارالار جۇرگىزدى.
ناتيجەسىندە جاڭاقورعان اۋدانى قاندوز اۋىلىنان وڭتۇستىك باتىسقا قاراي شامامەن 14 شاقىرىم جەردە ەكى ازامات اڭشى مىلتىعىمەن زاڭسىز اڭ اۋلاۋ كەزىندە ۇستالدى.
وقيعا ورنىنان اسحانا پىشاعى, تىركەۋدە جوق ءبىر ۇڭعىلى 12 كاليبرلى مىلتىق, جارىق كۇشەيتكىش قۇرال, 24 دانا پاترون, 10 دانا قويانعا ۇقساس جانۋارىنىڭ ءولى دەنەلەرى جانە كۇدىكتى تۇلعالاردىڭ ءمىنىپ جۇرگەن موتوكولىگى انىقتالىپ, ولار زاتتاي دالەلدەمە رەتىندە الىندى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 337-بابى 3-بولىگىمەن (ادامدار توبىنىڭ الدىن الا ءسوز بايلاسۋى ارقىلى زاڭسىز اڭ اۋلاۋ دەرەگى) سوتقا دەيىنگى تەرگەپ-تەكسەرۋ باستالدى. ءتيىستى ساراپتامالار تاعايىندالدى.
