الماتى قالاسى پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆتىڭ مالىمەتىنشە, الاياق 1989 جىلى تۋعان, پاۆلودار وبلىسىنىڭ تۋماسى س.ەسىمدى ازاماتشا بولىپ شىقتى.
«ول بۇرىن اقپاراتتىق تەحنولوگيالار سالاسىنداعى الاياقتىق ءۇشىن سوتتالعان. ۇستالعان ادام تانىمال سايتتى پايدالانىپ, پاتەر جالداۋ تۋرالى جالعان حابارلاندىرۋلار جاريالايدى. جالداۋ باعاسىن تومەن قىلىپ كورسەتىپ, باسقا جارنامالاردان العان پاتەرلەردىڭ سۋرەتتەرىن ورنالاستىرادى. كليەنتتەرمەن تەلەفون ارقىلى كەلىسسوزدەر جۇرگىزىپ, ولاردى وزىنە سەندىرىپ, الدىن الا تولەمدى تەڭگەرىمگە اۋدارۋدى ۇسىنادى. جابىرلەنۋشىلەر اقشانى اۋدارعان سوڭ, الاياق دەرەۋ جارنامانى الىپ تاستاپ, ۇيالى تەلەفوندى ءوشىرىپ تاستاعان», دەدى ول.
كۇدىكتىگە قاتىستى قر قك-ءنىڭ 190 بابى (الاياقتىق) بويىنشا سوتقا دەيىنگى تەرگەۋ باستالدى. قازىردىڭ وزىندە بىرنەشە جابىرلەنۋشى انىقتالدى. ازاماتشانىڭ بۇرىن جاسالعان وسىنداي قىلمىستارعا قاتىسى بار-جوعى تەكسەرىلەدى. قازىر ول ۋاقىتشا ۇستاۋ يزولياتورىنا قامالدى.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/almatyda-zhok-paterdi-zhalga-berushi-alayak-ustaldy_a3843994
