جارىستىڭ ءبىرىنشى راكەتكاسى بولىپ تىركەلگەن يۋ.پۋتينتسەۆا جارتىلاي فينالدا الەمنىڭ 86-راكەتكاسى, شۆەتسيالىق رەبەككا پەتەرسونمەن شەبەرلىك بايقاستى. ر.پەتەرسون وسى دودا بارىسىندا تاعى ءبىر قازاقستاندىق زارينا دياستان ايلاسىن اسىرىپ كەتكەن بولاتىن.
بۇل جولى ءبىرىنشى پارتيادا يۋليانىڭ باسىمدىلىعى ايقىن بايقالدى – 6:2. يۋ.پۋتينتسەۆا ەكىنشى سەتتە دە 3:1 ەسەبىمەن العا كەتتى. تاعى ءبىر برەيك – 4:1. ماتچقا دوپ بەرگەندە, پەتەرسون برەيك جاساپ, ەسەپتى قىسقارتتى – 3:5.
دەگەنمەن قازاقستاندىق تەننيسشى ماتچتى جەڭىسپەن تۇيىندەي ءبىلدى – 6:4 يۋ.پۋتينتسەۆا فينالدا الەمنىڭ 89-ىنشى, وسى دودانىڭ ەكىنشى راكەتكاسى, بەلگيالىق ەليسون ۆان ەيتۆانكپەن باس جۇلدەنى ساراپقا سالادى.
