ەكاتەرينا II-ءنىڭ تۇسىنداعى كونە تيىندى بالىقشىلار تاۋىپ العان. زەينەتكەر جۇماحان تامابەكوۆ سارىسۋ وزەنىنىڭ بويىندا جاۋىنقۇرت قازىپ جاتقان كەزدە بايقاپ قالادى. مىستان قۇيىلعان بەس تيىن 1766 جىلى جاسالىپتى. ءۇش عاسىرعا جۋىق جەر استىندا جاتقان تيىننىڭ بەتى ازداپ شىرىگەن. دەگەنمەن, سۋرەتى مەن جازۋى ساقتالىپتى. زەينەتكەر جادىگەردى مۋزەيگە اكەلىپ تاپسىردى.
«1762 جىلدان باستاپ 1796 جىلعا دەيىن رەسەيدە سەناتتىڭ شەشىمى بويىنشا ەكاتەرينا ەكىنشى وسىنداي مىس مونەتالار دايىنداتا باستادى. بۇلار ميلليوننان ارتىق. بۇل مونەتانىڭ سول كەزەڭدەگى قۇنى 5 تيىن عانا. كوپ قىمبات تۇرمايدى. بىراق تا بۇل جادىگەردىڭ ەڭ باستى قۇندىلىعى سارىسۋ وزەنى بويىندا ۇلكەن كوش كەرۋەن جولىنىڭ بولعاندىعىن دالەلدەيدى», دەيدى تاريحشى تەمىرعالي ارشابەكوۆ.
