قر اقپارات جانە قوعامدىق دامۋ ۆيتسە-ءمينيسترى اسقار وماروۆ جاس كادرلاردى قولداۋ ءۇشىن كاسىبي الاڭداردىڭ ماڭىزدىلىعىن اتاپ ءوتتى.
«ادامي كاپيتالدى دامىتۋعا ينۆەستيتسيالار - بۇل ۇلتتىڭ باسەكەگە قابىلەتتىلىگىن ارتتىرۋدىڭ باستى قۇرالدارىنىڭ ءبىرى», دەدى ا.وماروۆ.
بىلىكتىلىكتى ارتتىرۋدىڭ ءبىلىم بەرۋ باعدارلاماسىنىڭ 10 كۇنى ىشىندە كوۋچ-سەسسيالار, وقىتۋشى ساعاتتارى جانە تاجىريبەلىك ساباقتار وتكىزىلەدى. ولاردىڭ بارلىعى جاستارمەن جۇمىس ىستەۋدە كاسىبي داعدىلاردى جەتىلدىرۋگە باعىتتالعان.
ءىس-شاراعا جاستار رەسۋرستىق ورتالىقتارىنىڭ قىزمەتكەرلەرى, باسشى رەتىندەگى تاجىريبەسى بار وڭىرلىك مەملەكەتتىك قىزمەتشىلەر قاتىستى. ءبىرىنشى كۇنى قازاقستانداعى حالىقارالىق بيزنەس-ترەنەرلەر مەكتەبىنىڭ وكىلى ليۋدميلا سەرەكباەۆا قاتىسۋشىلارعا قازىرگى زامانعى كوشباسشىلاردىڭ قالىپتاسۋى مەن قاجەتتى داعدىلارى, سونداي-اق كوماندانى باسقارۋدىڭ ەرەكشەلىكتەرى تۋرالى ەگجەي-تەگجەيلى ايتىپ بەردى.
«كاسىبي دامۋ اكادەمياسى» جوباسى «جاستار» عىلىمي-زەرتتەۋ ورتالىعى, قر پرەزيدەنتى جانىنداعى مەملەكەتتىك باسقارۋ اكادەمياسى, «رۋحاني جاڭعىرۋ» قازاقستاندىق قوعامدىق دامۋ ينستيتۋتى جانە «Nur Otan» پارتياسى جانىنداعى ساياسي مەنەدجمەنت مەكتەبى اراسىنداعى ءوزارا ءىس-قيمىلدىڭ ناتيجەسى بولدى.
ءىس-شارا بارلىق سانيتارلىق-ەپيدەميولوگيالىق شارالاردى, سونىڭ ىشىندە «Ashyq» باعدارلاماسىن قولدانۋ جاعدايىندا ءوتتى.
