«ەكى ەل شەكاراسىنان وتەتىن جۇك تاسىمالداۋشىلاردىڭ پروبلەماسىنا توقتالعىم كەلەدى. بۇل - ءبىز ءۇشىن ماڭىزدى ماسەلە. قازاقستان-رەسەي شەكاراسىندا 30 اۆتوموبيلدىك شەكارالىق وتكىزۋ پۋنكتى جۇمىس ىستەيدى, ولاردىڭ بەسەۋى عانا ينسپەكتسيالىق جول بەكەتى كەشەندەرىمەن جابدىقتالعان. وكىنىشكە قاراي, ولاردىڭ جۇمىسىنان مەزگىل-مەزگىل اقاۋ شىعادى. ءبىز ساراتوۆ وبلىسى, ورىنبور, چەليابى, قورعان, تيۋمەن شەكاراسىنداعى وتكىزۋ پۋنكتتەرى تۋرالى ايتىپ وتىرمىز», دەدى مەملەكەت باسشىسى.
قر پرەزيدەنتى رەسەيدىڭ شەكارا قىزمەتىندەگى جاڭا تالاپتار تۋرالى ايتتى.
«جۇرگىزۋشىلەر جۇكتى تىكەلەي تەكسەرۋ ايماعىندا تۇسىرۋگە مىندەتتەلدى. ال بۇل كوپ جاعدايدا جۇكتىڭ بۇزىلۋىنا اكەلەدى. تاسىمالداۋشىلار اۆتوكولىگىنىڭ تەك ۇشتەن ەكىسىن عانا قولدانۋعا ءماجبۇر. مىسالى, گازەلدەردە 8 توننا ورنىنا 4-6 توننا عانا تاۋار تيەلەدى. ەندى 30-40 توننا جۇك ورنىنا 15-20 توننا تاۋار تاسىمالدانادى. ناتيجەسىندە, كولىك شىعىنى ۇلعايادى, تاۋار باعاسى وسەدى», دەدى توقاەۆ.
مەملەكەت باسشىسى قاۋىپسىزدىك شارالارىنا تولىق تۇسىنىستىكپەن قارايتىنىن جەتىزدى.
«مەملەكەتتىك شەكارانىڭ قاۋىپسىزدىگىن قامتاماسىز ەتۋ – كەز كەلگەن مەملەكەتتىڭ ەڭ ماڭىزدى شارتى. اسىرەسە, اۋعانستانداعى وقيعالار كەزىندە. ءسىز, ۆلاديمير ۆلاديميروۆيچ, ۇقشۇ-عا مۇشە مەملەكەتتەر وتىرىستارىنىڭ بىرىندە بۇل تۋرالى ايتتىڭىز. سونىمەن قاتار وتكىزۋ پۋنكتتەرىن قازىرگى زامانعى ينسپەكتسيالىق-تەكسەرۋ كەشەندەرىمەن تولىق جابدىقتاۋ كوممەرتسيالىق ترانزيت قاۋىپسىزدىگىنىڭ, جىلدامدىعىنىڭ پروبلەمالارىن دا شەشە الار ەدى», دەدى مەملەكەت باسشىسى.
