اۋعانستان بويىنشا كونسۋلتاتسيالار

جىل سايىنعى قازاقستان-اقش ەكى جاقتى كونسۋلتاتسيالارى مەن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تاياۋداعى ساپارى بارىسىندا قول جەتكىزىلگەن ۋاعدالاستىقتاردىڭ جالعاسى رەتىندە ءسىم-ءنىڭ ەرەكشە تاپسىرمالار جونىندەگى ەلشىسى ءومىرتاي ءبىتىموۆ باستاعان اۋقىمدى قازاقستان دەلەگاتسياسى اۋعانستان بويىنشا كونسۋلتاتسيالار جۇرگىزۋ ءۇشىن 26-28 ساۋىردە ۆاشينگتوندا بولىپ قايتتى, دەپ حابارلادى قر-دىڭ اقش-تاعى ەلشىلىگى. قازاقستان دەلەگاتسياسىنىڭ قۇرامىنا قازاقستان رەسپۋبليكا­سى­نىڭ اۋعانستانداعى ەلشىسى اعى­باي سماعۇلوۆ, ۇقك-ءنىڭ حالىق­ارا­لىق تەرروريزم جانە ءدىني ەكست­رە­ميزم­مەن كۇرەس جونىندەگى دەپار­تامەنتى باستىعىنىڭ ورىنباسارى داۋلەتجان قۇرامىسوۆ, يندۋستريا جانە جاڭا تەحنولوگيالار مي­نيستر­لىگى حالىقارالىق ىنتىماقتاستىق دەپارتامەنتى ديرەكتورىنىڭ ورىن­باسارى ولجاس راەۆ جانە ءسىم-ءنىڭ ەقىۇ دەپارتامەنتىنىڭ كەڭەسشىسى تالعات بايمۇحامبەتوۆ ەندى. قازاقستاندىق دەلەگاتسيا اۋعان­ستان جانە پاكستان بويىنشا ار­ناۋ­لى وكىل ريچارد حولبرۋكپەن, ونىڭ ورىنباسارى پول دجوۋنسپەن, قورعانىس ءمينيسترىنىڭ اۋعانستان, پاكستان جانە ورتالىق ازيا بوي­ىنشا كومەكشىسىنىڭ ورىنباسارى دەۆيد سيدنيمەن جانە اقش-تىڭ مەملەكەتتىك اگەنتتىكتەرىنىڭ وزگە دە وكىلدەرىمەن كەزدەسۋلەر وتكىزدى. كەلىسسوزدەردىڭ باستى تاقىرىپتارى اۋعان تۇرعىندارىن وقىتۋ بويىنشا ءبىلىم بەرۋ باع­دار­لامالارىن بىرلەسىپ جۇزەگە اسىرۋ, ادام رەسۋرستارىن دامىتۋ, اۋعان­ستاندى قايتا قۇرۋ بويىنشا ىنتى­ماق­تاستىق, دەنساۋلىق ساقتاۋ, ساۋدا قاتىناسىن دامىتۋ, بۇل ەل ەكو­نو­ميكاسىنا, ونىڭ ىشىندە كەن ءوندىرۋ ونەركاسىبى, ەنەرگەتيكا سالاسى مەن اۋىل شارۋاشىلىعىنا قازاقستان ينۆەستيتسياسىن تارتۋ بولدى. تاراپتار قازاقستاننىڭ ەقىۇ-عا توراعالىعى اياسىندا ونىڭ الەۋەتىن اۋعانستاندا دەموكراتيالىق مەم­لە­كەت قۇرۋعا ىقپال ەتۋگە پايدالانۋ ماسەلەسىن جەكە ۋاجدە تالقىلادى. ەكى جاق سونداي-اق اۋعان تاقىرى­بىن, اتاپ ايتقاندا, ونى ەقىۇ ءسامميتىنىڭ كۇن تارتىبىنە ەنگىزۋدى كوزدەي وتىرىپ, ودان ءارى زەرتتەۋ تۋرالى كەلىسىمگە كەلدى. تۇتاستاي العاندا, قازاقستان جانە اقش تارابى وتكەن كون­سۋل­تاتسيالاردى وڭ باعالاپ, اۋعان­ستاندا تۇراقتىلىققا جەتۋ جانە ونىڭ ەكونوميكاسىن قالپىنا كەل­تىرۋ ىسىندە ەكى جاقتى ءىس-قيمىلدى جالعاستىرۋعا ۋاعدالاستى.