قوعام • 30 قىركۇيەك، 2021

الماتىدا 4546 اتا-انا اكىمشىلىك جاۋاپقا تارتىلدى

16 رەت كورسەتىلدى

الماتىدا قالا اكىمىنىڭ ورىنباسارى ەرجان باباقۇماروۆتىڭ توراعالىعىمەن كامەلەتكە تولماعانداردىڭ ءىسى جانە ولاردىڭ قۇقىقتارىن قورعاۋ جونىندەگى قالالىق ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Egemen.kz.

جيىننىڭ باستى ماقساتى – 9 ايدىڭ قورىتىندىسى بويىنشا جاسالعان تالداۋ ناتيجەلەرى نەگىزىندە كامەلەتكە تولماعاندار اراسىنداعى قۇقىقبۇزۋشىلىقتى الدىن الۋعا باعىتتالعان ءىس-شارالاردىڭ تيىمدىلىگىن ودان ءارى ارتتىرۋ بويىنشا ءتيىستى شارا قابىلداۋ بولدى. جيىن بارىسىندا الماتى اۋداندارىندا جۇرگىزىلگەن جۇمىستار مەن زاڭسىز ارەكەتتەر بويىنشا قابىلدانعان شارالار تۋرالى ەسەپتەر تىڭدالدى.

بەلگىلى بولعانداي، الماتىدا كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋ ماقساتىندا 11 جالپىقالالىق جەدەل-پروفيلاكتيكالىق ءىس-شارا وتكەن.

كوميسسيا وتىرىستارىندا كامەلەتكە تولماعانداردىڭ مۇددەسى ءۇشىن ءتۇرلى فاكتىلەر بويىنشا 247 ماتەريال قارالدى. كامەلەتكە تولماعانداردىڭ ويىن-ساۋىق مەكەمەلەرىندە (22.00-دەن كەيىن) جانە تۇرعىن ءۇي-جايلاردىڭ سىرتىندا (23.00-دەن كەيىن) تۇندە زاڭدى وكىلدەرىنىڭ ەرىپ جۇرمەگەنى ءۇشىن 4546 اتا-انا اكىمشىلىك جاۋاپقا تارتىلدى. 26 اتا-اناعا اتا-انا قۇقىعىنان ايىرۋ تۇرىندەگى توتەنشە شارا قولدانىلدى. 252 اتا-انا بالا تاربيەسى بويىنشا مىندەتتەرىن تيىسىنشە ورىنداماعانى ءۇشىن اكىمشىلىك جاۋاپقا تارتىلدى.

كامەلەتكە تولماعان 473 بالا قيىن ومىرلىك جاعدايداعى بالالاردى قولداۋ ورتالىعىنا جاتقىزىلدى. كامەلەتكە تولماعانداردىڭ ءىسى جونىندەگى ينسپەكتسيا، مالىمەتىنشە، قالا بويىنشا كامەلەتكە تولماعاندارعا قاتىستى قىلمىستار 2،6% تومەندەگەن.

سونداي-اق وتباسى قيىن ومىرلىك جاعدايعا تاپ بولعان كامەلەتكە تولماعاندارعا پسيحولوگيالىق قولداۋ كورسەتۋگە ەرەكشە نازار اۋدارىلادى. ەرجان باباقۇماروۆ جاسوسپىرىمدەر اراسىنداعى قۇقىقبۇزۋشىلىقتىڭ الدىن الۋ بويىنشا ۇەۇ-مەن ىنتىماقتاستىقتى كۇشەيتۋدى تاپسىردى.

سونىمەن بىرگە كامەلەتكە تولماعاندار اراسىندا جانە ولارعا قاتىستى قىلمىستىڭ الدىن الۋ جونىندەگى ۇيلەستىرۋ كەڭەسىنىڭ جۇمىس اياسىن كەڭەيتۋ مۇمكىندىگى قارالاتىن بولادى.

سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار