«رەسپۋبليكانىڭ باسىم بولىگىندە فرونتالدى بولىكتەردىڭ اسەرىنەن جاۋىن-شاشىن بولادى, ەلىمىزدىڭ وڭتۇستىگىندە جاڭبىر جاۋادى. رەسپۋبليكانىڭ تەك باتىسىنا جانە وڭتۇستىك-باتىسىنا سولتۇستىك انتيتسيكلون اسەرىن تيگىزەدى, وسىعان بايلانىستى جاۋىن-شاشىنسىز اۋا رايى بولادى. رەسپۋبليكا بويىنشا جەل كۇشەيەدى, وڭتۇستىك-شىعىسىندا شاڭدى داۋىل سوعىپ, سولتۇستىگىندە جانە ورتالىعىندا تۇمان تۇسەدى, كوكتايعاق بولادى, كۇندىز شىعىسىندا جانە وڭتۇستىك-شىعىسىندا نايزاعاي وينايدى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, جامبىل وبلىسىنىڭ باتىسىندا, وڭتۇستىك-باتىسىندا جانە تاۋلى اۋداندارىندا شاڭدى داۋىل سوعادى, 15-20 م/س جەل كۇشەيەدى, تاڭەرتەڭ جانە كۇندىز وبلىستىڭ شىعىسىندا جانە تاۋلى اۋدانداردا نايزاعاي باقىلانادى.
اقمولا وبلىسىنىڭ سولتۇستىگىندە جانە وڭتۇستىك-شىعىسىندا تۇمان ءتۇسىپ, كوكتايعاق بولادى, كۇندىز وبلىستىڭ سولتۇستىك-باتىسىندا جەل 15-20 م/س كۇشەيەدى.
تۇندە جانە تاڭەرتەڭ قاراعاندى وبلىسىنىڭ سولتۇستىگىندە جانە شىعىسىندا تۇمان ءتۇسىپ, كوكتايعاق بولادى, كۇندىز شىعىسىندا جەل 15-20 م/س كۇشەيەدى.
كۇندىز شىعىس قازاقستان وبلىسىنىڭ سولتۇستىك-شىعىسىندا نايزاعاي وينايدى, وڭتۇستىك-باتىسىندا جەل 15-20 م/س كۇشەيەدى.
قوستاناي وبلىسىنىڭ شىعىسىندا جانە وڭتۇستىگىندە كوكتايعاق بولىپ, تۇندە جانە تاڭەرتەڭ شىعىسىندا تۇمان تۇسەدى.
كۇندىز الماتى وبلىسىنىڭ شىعىسىندا جانە تاۋلى اۋداندارىندا, تۇركىستان وبلىسىنىڭ سولتۇستىگىندە, قىزىلوردا وبلىسىنىڭ ورتالىعىندا جەل 15-20 م/س كۇشەيەدى.
تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-باتىسىندا, پاۆلودار وبلىسىنىڭ وڭتۇستىگىندە جانە ورتالىعىندا تۇمان تۇسەدى.
