«تومەندەتىلگەن تاريف بيزنەسكە بوساعان قاراجاتتى زەرتحانالىق بازانى جاڭعىرتۋعا, قىزمەتكەرلەردى دامىتۋعا جانە باسەكەگە قابىلەتتىلىكتى ارتتىرۋعا ينۆەستيتسيا رەتىندە پايدالانۋعا مۇمكىندىك بەرەدى دەپ ۇمىتتەنەمىز. مەن قازاقستان ءونىمنىڭ جوعارى ساپاسى مەن قاۋىپسىزدىگىن ساقتاۋ كەپىلدىگىنىڭ نەگىزى رەتىندە زەرتحانالىق بازانى جەتىلدىرۋگە باعىت العانىن بىرنەشە رەت ايتقان بولاتىنمىن. بۇل ءبىزدىڭ تاۋارلارىمىزدىڭ الەمدىك نارىقتارداعى باسەكەگە قابىلەتتىلىگىن ارتتىرۋ ءۇشىن عانا ەمەس, قازاقستاندىقتاردى ساپالى تاۋارلارمەن قامتاماسىز ەتۋ ءۇشىن قاجەت», دەيدى مينيستر.
ول ەگەر ءبىز ساپالى ىشكى نارىققا قاراپ جۇمىس ىستەيتىن بولساق, وندا سىرتقى نارىقتى دا يگەرە الامىز دەگەندى ايتادى.
«ول كەزدە زەرتحانالىق زەرتتەۋلەر ناتيجەلەرىن جانە ءبىزدىڭ سەرتيفيكاتتارىمىزدى باسقا ەلدەردىڭ تانۋىن قامتاماسىز ەتۋ الدەقايدا وڭاي بولادى. ەۋرووداققا ەكسپورتتاۋ ءۇشىن شاراپتى سەرتيفيكاتتاۋ جاعدايىن مىسالعا الايىق: قازاقستاندىق ءۇش زەرتحانا ەۋروپالىق ستاندارتتار دەڭگەيىندە زەرتتەۋ ساپاسىنىڭ كەپىلدىگىن راستادى, ەندى قازاقستاندىق ەكسپورتتاۋشىلار ەو-عا ءجۇزىم شارابىنا قازاقستاندا سايكەستىك سەرتيفيكاتتارىن الا الادى», دەيدى باقىت سۇلتانوۆ.
ول قازىرگى ۋاقىتتا «سۇر» سەرتيفيكاتتارى بار تاۋارلار اينالىمىن انىقتاۋ جانە الدىن الۋ بويىنشا ادال بيزنەسپەن بىرلەسىپ جۇمىس جۇرگىزىپ جاتىرقاندىعىن ايتتى.
«سونىڭ ىشىندە, وسىنداي رۇقسات بەرۋ قۇجاتتارىمەن ساۋدا جاسايتىن اككرەديتتەۋ سۋبەكتىلەرىن «قولىنان ۇستاپ الىپ» جاتىرمىز. ولار ادال كاسىپكەرلەرگە زيان كەلتىرىپ قانا قويماي, قازاقستاندىقتاردىڭ ءومىرى مەن دەنساۋلىعىنا قاۋىپ توندىرەدى. جاقىن ارادا ءبىز وسىنداي الاياقتىققا تاپ بولعان ادامداردىڭ ەسىمدەرىن جاريالاي باستايمىز دەپ ويلايمىن. ەل ءوزىنىڭ وسىنداي «باتىرلارىن» ءبىلۋى كەرەك. سوندىقتان مەن تاعى دا اككرەديتتەۋ سۋبەكتىلەرىنە: سايكەستىكتى باعالاۋ سالاسىنداعى زاڭنىڭ بارلىق تالاپتارى بويىنشا جۇمىس جاساڭىز جانە نارىقتا سۇر سەرتيفيكاتتار مەن سايكەستىك دەكلاراتسيالارىنىڭ پايدا بولۋىنا جول بەرمەڭىز دەيمىن», دەدى مينيستر.
