«مەملەكەت باسشىسى قاسىم-جومارت توقاەۆ ەلىمىزدەگى سپورتتى دامىتۋ ماسەلەلەرىنە ەرەكشە كوڭىل بولەدى. ونىڭ تىكەلەي تاپسىرماسى بويىنشا ۇكىمەت سپورت, ونىڭ ىشىندە بۇقارالىق سپورت سالاسىن دامىتۋ جونىندە بىرقاتار ناقتى شارالار قابىلداۋدا. وسىعان بايلانىستى سىزدەرمەن بىرگە ۇلكەن جۇمىس اتقارامىز دەپ ۇمىتتەنەمىز. جىل سوڭىنا دەيىن مەملەكەت باسشىسىنىڭ ەڭ مۇقتاج قالالار مەن اۋىلداردا 100 سپورتتىق-ساۋىقتىرۋ كەشەنىن سالۋ بويىنشا باستاماسىن اياقتاۋ جوسپارلانۋدا», دەدى قر پرەمەر-ءمينيسترىنىڭ ورىنباسارى ەرالى توعجانوۆ.
ول, سونداي-اق وسى جۇمىستىڭ ناتيجەلەرى تۋرالى ايتتى.
«بۇل جۇيەنى ىسكە اسىرۋدىڭ ءبىرىنشى كەزەڭى عانا 50 مىڭ بالانى تەگىن ۇيىرمەلەر مەن سەكتسيالارمەن قامتۋعا مۇمكىندىك بەردى. 3,5 مىڭ سپورت نۇسقاۋشىلارىن دايارلاۋ بويىنشا جۇمىستار جۇرگىزىلۋدە. ءاربىر اۋىلدىق وكرۋگتىڭ تۇرعىندارى سپورتپەن قامتىلادى. «سالاماتتى ۇلت» ۇلتتىق جوباسى اياسىندا 2025 جىلعا قاراي تۇراقتى سپورتپەن اينالىساتىن ازاماتتاردىڭ سانىن 31%-دان 50%-عا دەيىن جەتكىزۋ جوسپارلانۋدا», دەدى ەرالى توعجانوۆ.
