«نۇر-سۇلتان قالالىق تۇرعىن ءۇي جانە تۇرعىن ءۇي ينسپەكتسياسى باسقارماسى نۇر-سۇلتان قالالىق ءماسليحاتىنىڭ قاراۋىنا 297 ملن تەڭگە سوماسىنا جالپى اۋدانى 0,49 گەكتار 8 نىسان بويىنشا 13 جەر ۋچاسكەسىن ساتىپ الۋ جونىندەگى شارتتىڭ جوباسىن ۇسىنادى. جەر ۋچاسكەلەرىن ساتىپ الۋ كەلەسى نىساندار بويىنشا جۇزەگە اسادى. ءبىرىنشى ۋچاسكە - كۇمىسبەكوۆ پەن قوسشىعۇل ۇلى كوشەلەرىنىڭ قيىلىسىنداعى ورىن-جايلارى مەن پاركينگى بار كوپپاتەرلى تۇرعىن ءۇي قۇرىلىسى. ەكىنشىسى – قۇدايبەردى ۇلى داڭعىلى بويىندا 2/1 جانە 2/2 ۇيلەرى ماڭىنداعى ورىن-جايلارى مەن پاركينگى بار كوپپاتەرلى تۇرعىن ءۇي قۇرىلىسىنا ارنالعان ۋچاسكە», دەدى باسقارما باسشىسى نۇر-سۇلتان قالالىق ءماسليحاتىنىڭ كەزەكتى سەسسياسىندا.
ونىڭ ايتۋىنشا, ءۇشىنشى ۋچاسكە ءۋاليحانوۆ كوشەسىنەن جيەنقۇلوۆا كوشەسىنە دەيىنگى ارالىقتا دۇكەن ۇلى كوشەسىن سالۋ ءۇشىن قاجەت. ءوندىرىس تۇرعىن ءۇي الابىندا مەكتەپ سالۋ ءۇشىن ءتورتىنشى جەر ۋچاسكەسى قالا مۇقتاجدىعىنا الىنادى. بەسىنشى ۋچاسكەدە بوگەنباي باتىر داڭعىلىنان بەيسەكوۆا كوشەسىنە دەيىن سارىارقا داڭعىلىنان سالىنادى. التىنشى جانە جەتىنشى ۋچاسكەلەردە جول قۇرىلىسىن سالۋ كوزدەلگەن. ال تاۋەلسىزدىك داڭعىلى مەن شارل دە گول كوشەسى قيىلىسىنداعى سەگىزىنشى ۋچاسكەدە ورىن-جايلارى مەن پاركينگى بار كوپپاتەرلى تۇرعىن ءۇي سالۋ جوسپارلانىپ وتىر.
«بارلىق جەر ۋچاسكەلەرىنىڭ مەنشىك يەلەرى ۇسىنىلعان وتەماقى سوماسىمەن تانىستىرىلدى. جازباشا كەلىسىمدەرى بار», دەپ ناقتىلادى باسقارما باسشىسى.
