بۇل تۋرالى LS. باسىلىمى ءمالىم ەتتى.
اۋىل شارۋاشىلىعى مينيسترلىگىنىڭ وسىمدىك شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ازات سۇلتانوۆتىڭ ايتۋىنشا, 2022 جىلدىڭ كوكتەمىندە جاڭا پىسكەن كوكونىس باعاسى قىمباتتاۋى مۇمكىن.
بۇل رەتتە بيىل كارتوپ قولجەتىمدى باعادا قالادى, دەپ ەسەپتەيدى ول.
«بيىل كارتوپ كيلوگرامى 200 تەڭگەدەن ساتىلدى. قازىرگى شىعىنداردى جانە باعانىڭ ازداپ ءوسۋىن ەسكەرسەك كوكتەمدە قۇنى 200-250 تەڭگە شەگىندە بولادى دەپ كۇتەمىز. ءسابىز 30-40 تەڭگەگە قىمباتتاۋى مۇمكىن», دەدى ول.
ازات سۇلتانوۆ ۇكىمەت ماۋسىمارالىق كەزەڭدە كوكونىس باعاسىنىڭ كۇرت وسۋىنە جول بەرمەۋ ءۇشىن ءتيىستى شارالار قابىلداي باستاعانىن اتاپ ءوتتى. سونىمەن, قازاقستاندىق كارتوپ وسىرۋشىلەرگە مامىر ايىنا دەيىن كەلىسىمشارت جاساۋ, ياعني باعانى بەلگىلەۋ ۇسىنىلادى.
«ول ءۇشىن اكىمدىكتەر بۇل ونىمدەردى تۇراقتاندىرۋ قورىنا ارناپ ساتىپ الۋى قاجەت. ولاردا تاۋار وندىرۋشىلەردىڭ ءتىزىمى بار. جالپىلاي العاندا مينيسترلىك قاجەت جاعدايدىڭ ءبارىن جاساپ وتىر», دەدى ا.سۇلتانوۆ.
قازاقستاندا كارتوپتىڭ نەگىزگى ءونىمى پاۆلودار, قاراعاندى, اقمولا جانە سولتۇستىك قازاقستان وبلىستارىندا جينالادى.
ايتا كەتەيىك, بيىل جازدا ءسابىز بەن كارتوپ باعاسى 50 پايىزعا كۇرت قىمباتتاعان بولاتىن.
