اتالعان باسىلىمنىڭ تاريحى عاسىردان اسىپ جىعىلادى. بۇل گازەت تەك 2016 جىلى 620 861 دانا تيراجبەن جارىق كورسە, قازىرگى تاڭدا ساتىلىمىنىڭ ءوزى ءبىر ايدا 2 ملن-دى قۇرايدى ەكەن.
اعىلشىن گازەتىندە جارىق كورگەن جازبا مەن فوتوسۋرەتتەر يەسى – چ.باتزاياا دەگەن موڭعول ازاماتى. ول اعىلشىن ءتىلدى باسىلىمعا بەرگەن سۇحباتىندا: «شەتەلدىكتەردى, اسىرەسە, ەۋروپالىقتاردى موڭعوليانىڭ اسەم تابيعاتى عانا ەمەس, كوشپەلى ءومىردىڭ جۇمباق بولمىستارى مەن تىرشىلىك سالتى قىزىقتىرادى. سونىڭ ءبىرى – ەلىمىزدىڭ باتىس شەبىندە ءومىر ءسۇرىپ كەلە جاتقان قازاق حالقىنىڭ قازىرگى تۇرمىسى. اسىرەسە, بۇل باۋىرلار بايىرعى كوشپەندىلەر ونەرى قۇسبەگىلىكتى تازا ەتنو بولمىسىن بۇزباي جاقسى ساقتاعان. ءوز باسىم سوڭعى 10 جىل بويى ۇزبەي قازاق بۇركىتشىلەرى ومىرىنەن فوتوسۋرەت ءتۇسىرىپ ءجۇرمىن. قازىرگى تاڭدا «بۇركىت» اتتى بىرنەشە تومعا تاتيتىن فوتوسۋرەت توپتاماسىن دايىنداپ قويدىم», دەپتى.
راسىندا, بۇل جىگىت قاقاعان قىستا قار جاستانىپ, مۇز توسەنىپ قازاق قۇسبەگىلەرىن ءتۇسىرىپ ءجۇر. ءتىپتى دۇنيە جۇزىنە اتى شىققان بۇركىتشى قىز ايشولپاندى الەمگە تانىستىرعان وسى باتزاياا. فوتوسۋرەتشى «بۇيىرسا, نۇر-سۇلتان قالاسىنا بارىپ, قوبدا بەتى قازاقتارىنىڭ قۇسبەگىلىك ونەرى جايلى كورمە ۇيىمداستىرسام» دەيدى.
