كوميسسيا تاراپىنان ەپيزووتيالىق جاعداي زەردەلەنىپ, سۋ ايدىنىنا مونيتورينگ جۇرگىزىلدى, اۋرۋدى جويۋ اۋقىمى انىقتالىپ, حالىق اراسىندا ءتۇسىندىرۋ جۇمىستارى جۇرگىزىلدى.
ينفەكتسيا وشاعىن دەر كەزىندە جانە جەدەل وقشاۋلاۋ جانە جويۋ ءۇشىن ەلدى مەكەننىڭ پەريمەترى بويىنشا جەرلەردى جىرتۋ جۇمىستارى جۇرگىزىلدى, كىرەتىن جانە شىعاتىن اۆتوكولىكتەردى دەزينفەكتسيالاۋ ءۇشىن دەزبارەر ورناتىلدى.
ەپيزووتيالىق تىزبەكتى ءۇزۋ ماقساتىندا وشاقتاعى قۇستاردىڭ بارلىق باسىن جويۋ تۋرالى شەشىم قابىلداندى. بارلىق الىنعان جانە جويىلعان قۇستىڭ يەلەرىنە وتەماقى تولىق كولەمدە تولەنەتىن بولادى.
رەسەي فەدەراتسياسىمەن شەكارالاس اۋماقتاردا جانۋارلاردى ۆاكتسيناتسيالاۋ ءۇشىن جوعارى پاتوگەندى قۇس تۇماۋىنا قارسى 112,2 مىڭ دوزا وتاندىق پرەپارات بولىنەدى.
ەپيزووتيالىق جاعداي تۇراقتى باقىلاۋدا, ينفەكتسيا وبلىستاعى باسقا ەلدى مەكەندەرگە تارالۋىنا جول بەرمەۋ ماقساتىندا ۆاكتسيناتسيا جۇرگىزۋ جانە ءتىرى قۇس پەن قۇس شارۋاشىلىعى ونىمدەرىنىڭ قوزعالىسىنا باقىلاۋ ورناتۋ شارالارى قابىلدانۋدا.
