ەلباسى • 28 قىركۇيەك، 2021

ن.نازارباەۆ «استانا باس جوسپارى» عىلىمي-زەرتتەۋ جوبالىق ينستيتۋتىندا بولدى

69 رەت كورسەتىلدى

ەلباسى «استانا باس جوسپارى» عىلىمي-زەرتتەۋ جوبالىق ينستيتۋتى» جاۋاپكەرشىلىگى شەكتەۋلى سەرىكتەستىگىندە بولدى، دەپ حابارلايدى  Egemen.kz elbasy.kz سايتىنا سىلتەمە جاساپ.

قازاقستاننىڭ تۇڭعىش پرەزيدەنتى ەلوردادا تۋريستىك، مادەني جانە الەۋمەتتىك جاڭا نىساندار سالۋ جوسپارىمەن تانىستى.

التاي كولگىنوۆ اۋداندار قۇرىلىسىنىڭ بارىسى، قالانى كوگالداندىرۋ پروتسەسى جايلى، سونىمەن قاتار دەنساۋلىق ساقتاۋ، مەكتەپكە دەيىنگى جانە ورتا ءبىلىم بەرۋ نىساندارىنىڭ، سپورت عيماراتتارى مەن كوممەرتسيالىق ورىنداردىڭ حالىققا قولجەتىمدىلىگىن قامتاماسىز ەتۋ ءۇشىن قابىلدانىپ جاتقان شارالار تۋرالى ەگجەي-تەگجەيلى باياندادى.

سونداي-اق ەلباسى نازارىنا ەلوردانىڭ جاڭا مەشىتى مەن ەكسپو اۋدانىنا ىرگەلەس اۋماقتا جۇرگىزىلەتىن قۇرىلىس پەن اباتتاندىرۋ جوبالارى ۇسىنىلدى.

– مەن ءۇشىن بۇل قالانىڭ ورنى بولەك. ونىڭ دامۋ بارىسىن ۇنەمى قاداعالاپ وتىرامىن، بولاشاعى تۋرالى كوپ ويلانامىن. العاشىندا جاڭادان قالا سالۋ جوباسىنا عانا ەمەس، وسى ماڭايدا قالىڭ ورمان وسەتىنىنە دە كۇمانمەن قاراعاندار بولعان. كەيبىر عالىمدار بۇل جەرگە اعاش وسپەيدى دەگەن ەدى. الايدا ەلوردا از ۋاقىت ىشىندە اينالاسىن «جاسىل بەلدەۋ» قورشاعان ءىرى مەگاپوليسكە اينالدى، – دەدى ەلباسى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار