پرەزيدەنت • 28 قىركۇيەك، 2021

ءاربىر اكىم ەسەپ بەرۋى ءتيىس - توقاەۆ

50 رەت كورسەتىلدى

پرەزيدەنت قاسىم-جومارت توقاەۆ «اتامەكەن» ۇلتتىق كاسىپكەرلەر پالاتاسىنىڭ VIII سەزىندە مەملەكەت پەن بيزنەس اراسىنداعى بايلانىستى تسيفرلاندىرۋدى بەلسەندى جالعاستىرۋدىڭ ماڭىزدى ەكەنىن ايتتى، دەپ جازادى Egemen.kz.

«تسيفرلىق دامۋدىڭ ماڭىزدى باعىتتارىنىڭ ءبىرى – جەر ۋچاسكەلەرى، قۇرىلىستىڭ نەگىزگى جوسپارلارى، قولجەتىمدى قۋاتتار، كوممۋنيكاتسيالار جانە باسقا دا اقپاراتتى تسيفرلاندىرۋ. بۇل – ءوندىرىستىڭ نەگىزگى فاكتورلارى. ونسىز بيزنەستى جۇرگىزۋ مۇمكىن ەمەس. سونىمەن قاتار بۇل اقپارات – اسا قۇپيا. ايماقتىق دەڭگەيدەگى جۇمىس بەلگىلى سەبەپتەرگە بايلانىستى شەگەرىلۋدە. باستى سەبەپ – تانىمال كومپانيالارعا بولىسۋ، ولارعا جەر مەن باسىمدىق بەرۋ، ال شاعىن جانە ورتا بيزنەستىڭ جۇمىس ىستەۋىنە مۇمكىندىك بەرىلمەيدى. ۇكىمەتكە بۇل ماسەلەنى تسيفرلاندىرۋ كوميسسياسىنىڭ الداعى وتىرىسىندا قاراستىرۋدى تاپسىرامىن. ءاربىر اكىم ەسەپ بەرۋى ءتيىس. ۇكىمەت قاتاڭ باقىلاپ، جۇمىستى ۇيلەستىرۋگە مىندەتتى»، دەدى مەملەكەت باسشىسى.

پرەزيدەنتتىڭ پىكىرىنشە، بيزنەستى تسيفرلاندىرۋدى بەلسەندى جۇرگىزۋ قاجەت. قازاقستاندا قازىردىڭ وزىندە اۆتوماتتاندىرۋ سەبەبىنەن جۇمىس ورىندارىنىڭ 52 پايىزىنا قاۋىپ ءتونىپ تۇر.

سونىمەن قاتار مەملەكەت باسشىسى ۇكىمەتكە «اتامەكەن» ۇلتتىق كاسىپكەرلەر پالاتاسىمەن بىرلەسە وتىرىپ، كادرلاردى ازىرلەۋ ءۇشىن ۇزاقمەرزىمدى باعىتتاردى ايقىنداۋدى تاپسىردى. 

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار