الەم • 28 قىركۇيەك، 2021

EXPO-2020: دۋبايدا قازاقستان پاۆيلونىنىڭ تەحنيكالىق اشىلۋى ءوتتى

70 رەت كورسەتىلدى

دۋبايدا EXPO-2020 كورمەسىندە قازاقستان پاۆيلونىنىڭ تەحنيكالىق اشىلۋى ءوتتى، دەپ حابارلايدى Egemen.kz.

تەحنيكالىق اشىلۋعا قاتىسقان 9 پاۆيلوننىڭ ىشىندە قازاقستان پاۆيلونى كەلۋشىلەر سانى بويىنشا ەڭ تانىمالىنا اينالدى. العاشقى 3 ساعاتتىڭ وزىندە پاۆيلونعا 1،5 مىڭنان استام ادام كەلدى. كورمە كەزىندە بارلىعى 1 ميلليونعا جۋىق ادام كەلەدى دەپ كۇتىلىپ وتىر.

2

قوناقتار قازاقستان پاۆيلونىمەن «پرەشوۋ» كىرۋ ايماعىنان «دنق كودى – شەجىرە» تاقىرىبىمەن تانىسا باستادى، وندا ءتۇرلى ەتنوستاردىڭ تاريحي بايلانىسى جانە ۇلى دالا كوشپەندىلەرىنىڭ الەم حالقىنىڭ گەنەتيكاسىنا قوسقان ۇلەسى تۋرالى باياندالادى. سونداي-اق، ءبىرىنشى قاباتتا ەلىمىزدىڭ تۋريستىك الەۋەتى، كوركەم لاندشافتارى مەن تابيعي رەسۋرستارى، باي تاريحى، مادەنيەتى مەن سالت-داستۇرلەرى كورسەتىلگەن.

«نۇر-سۇلتان قالاسى – ەۋرازيا جۇرەگى» ايماعىندا باسپا جانە مەدياتەحنولوگيالاردى ۇيلەستىرەتىن ەلوردانىڭ بىرەگەي جوعارى تەحنولوگيالىق پانوراماسى ۇسىنىلعان.

اسىرەسە، قوناقتار اراسىندا Brixel Mirror كينەتيكالىق ارت-ينستاللياتسياسى ورنالاسقان future Now ايماعى تانىمال بولدى. بۇل تسيفرلىق ديسپلەي رەتىندە جۇمىس ىستەيتىن باعدارلامالانعان قوزعالمالى مودۋلدىك بلوكتاردىڭ قابىرعاسى.

وسى ايماقتا يننوۆاتسيالىق قالا قۇرىلىسى، جاساندى ينتەللەكت، بولاشاق ماماندىقتارى جانە ت.ب. تاقىرىپتاردى اشاتىن Vision Machine ينستاللياتسياسى ورنالاسقان.

سوڭىندا كەلۋشىلەر 270 گرادۋس پانورامالىق كينوتەاترى بار ەرەكشە فينالدىق شوۋدى كوردى. ايماق كورمەنىڭ «اقىل-ويدى بىرىكتىرىپ، بولاشاقتى جاساي وتىرىپ» اتتى باستى تاقىرىبىن بەينەلەيدى.

پاۆيلوندا قازاقستاننان ارنايى دايىندالعان ستەندتەر جۇمىس ىستەيدى.

ل

Dubai EXPO-2020 بۇكىلالەمدىك كورمەسى اياسىندا قر ۇلتتىق پاۆيلونى الاڭىندا قازاقستان رەسپۋبليكاسىنىڭ رەسمي تۇلعالارىنىڭ، مەملەكەتتىك ورگاندار، مەملەكەتتىك سەكتور، ۇلتتىق كومپانيالار مەن بيزنەس وكىلدەرىنىڭ قاتىسۋىمەن 25-كە جۋىق ىسكەرلىك ءىس-شارا وتكىزۋ جوسپارلانعان.

سونداي-اق ىسكەرلىك ءىس-شارالار شەڭبەرىندە كورمە كەزەڭىندە كونفەرەنتسيالار، فورۋمدار، ۆ2ۆ-كەزدەسۋلەر وتكىزىلەدى، ونىڭ ىشىندە ەلدىڭ ينۆەستيتسيالىق جانە تۋريستىك الەۋەتى بويىنشا پرەزەنتاتسيالار، عىلىمي جانە ءبىلىم بەرۋ جوبالارى، كرەاتيۆتى شەشىمدەر ۇسىنىلادى. وسى ءىس-شارالاردىڭ قورىتىندىسى بويىنشا ىنتىماقتاستىق تۋرالى شارتتار مەن كەلىسىمدەرگە قول قويىلادى، بۇل ءوز كەزەگىندە ەل ەكونوميكاسىن دامىتۋ ءۇشىن مۋلتيپليكاتيۆتىك اسەرگە قول جەتكىزۋگە مۇمكىندىك بەرەدى.

 

 

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار