ۇلى ءومىردىڭ ۇلاعاتى

كورسەتىلگەن كوركەم لەنتا ەكرانعا شىقتى شىعارمادا پايعامبارىمىزدىڭ قۇداي ءسوزىن جەر بەتىندەگىلەرگە جەتكىزۋگە كىرىسكەن كەزىنەن باستاپ ونىڭ وسى جولدا كورگەن قيىندىق-قۇقايلارى, قاسيەتتى ءدىنىمىزدى قورلاماق بولعاندارمەن كەسكىلەسكەن كۇرەسى, اقىر اياعىندا  ادامداردى ءوز سوڭىنان ەرتۋى, مۇسىلماندىقتىڭ جەر-جاھانداعى سالتاناتتى شەرۋىن باستاپ بەرۋى وتە شىنايى بەينەلەنگەن. بۇل ءفيلمدى كورگەن ءاربىر الاش ازاماتى, اسىرەسە جاس ۇرپاق وكىلدەرى كوپ ءتالىم-تاربيە الاتىنى تالاسسىز. وسىدان بىرەر جىل بۇرىن قۇ­رىلىپ, بۇگىنگى تاڭدا كابەلدى جۇيە ارقىلى قازاقستاننىڭ بارلىق وبلىس ورتالىقتارىنا, جەر سەرىگىنىڭ جۇيەسى ارقىلى بۇكىل تمد-عا, اۋعانستانعا, پاكس­تانعا, بۇكىل اراب جازيرا­سى­نا, تاياۋ شىعىسقا, ەۋروپا­نىڭ كوپتەگەن ەلدەرىنە حابار تاراتىپ جاتقان “اسىل ارنا” جۇرت­شى­لىقتى يماندىلىققا تاربيەلەۋ جونىندە يگىلىكتى ىستەر اتقارۋدا. تاۋلىگىنە 24 ساعات بويى ەفيردى بوسات­پايتىن ارنانىڭ كۇن سايىن ءۇش جارىم ساعاتتىق ءتول تۋىن­دى­لار دايىن­دايتىنى, قالعان ۋا­قىتتا قۇران قاسيەتىن كورسەتەتىن بەينە­ما­تەريالداردى ورنىمەن ناسي­حات­تايتىنى “اسىل ارنا­نى” تاما­شالاپ جۇرگەن جامي­عات­تىڭ جاقسى باعاسىن الىپ كەلەدى. كەشە “اسىل ارنا” تاعى ءبىر ساۋاپتى شارۋانىڭ تۇساۋىن كەستى. استاناداعى “سارىارقا” ساۋدا كە­شەنىنىڭ كينوپاركىندە “مۇ­حام­مەد. سوڭعى پايعامبار” اتتى انيماتسيالىق ءفيلمنىڭ ال­عاشقى كورسەتىلىمى ۇيىم­داس­تى­رىلدى. ارنانىڭ باس دي­رەكتورى مۇ­حامەد­جان تازابە­كوۆ­تىڭ سەانس الدىندا سويلەگەن كىرىسپە ءسو­زىن­دە اتاقتى گول­ليۆۋد­تىڭ جا­نىنداعى “بادر ينتەرنەيشنل” ستۋديا­سىندا جاسالعان بۇل كار­تينانىڭ ءمان-ماڭىزى ايشىقتى ايتىلدى. فيلم عىلىمي تۇر­عىدان ابدەن ساراپتان وتكىزىلگەن ستسەناري بوي­ىنشا تۇسىرىلگەن, وعان ءسۇن­نيت­تەر تاراپىنان ءال-ءازحار ۋني­ۆەر­سيتەتىنىڭ, شيتتەر تا­راپىنان ليۆانداعى شيعالار­دىڭ ەڭ جو­عارى دەڭگەيدە ءباتۋا­سى بەرىلگەن ەكەن. فيلم اراب جانە اعىلشىن تىلىندەگى نۇس­قا­لارىنان “اسىل ارنا” اۋدار­ما­شىلارىنىڭ كۇشى­مەن تارجىمە­لەن­گەن. حالقى­مىزد­ىڭ قادىر­مەن­دى قىزى,  سوناۋ 1982 جىلى-اق مۇحاممەد پايعامبار (س.ع.س.) تۋرالى ارنايى كىتاپ جاز­عان فاريزا وڭعارسىنوۆا “قۇ­داي­سىزدار قوعامى” دەگەندەي ۇيىم­دار قۇرۋدان دا تايىنباعان كە­شەگى كەڭەستىك كەر كەزەڭدە  سۇيىك­تى پايعامبارىمىزدىڭ ونەگەمەن ورىلگەن ءومىرىنىڭ تاعىلىمى حال­قىمىزدىڭ رۋحاني تىرەگىنە اي­نالعانىن اڭگىمەلەدى, وسىنداي ءفيلمنىڭ قازاق تىلىندە ەكرانعا شىعۋىنا اتسالىسقان ازامات­تار­دىڭ بارىنە العىسىن ءبىلدىردى. رەجيسسەر ريچارد ءريچتىڭ قولى­نان شىققان بۇل  لەنتانى قازىرگە كورە قويماعان ادام­داردىڭ ويىندا ء“بىزدىڭ ءدىنىمىز مۇحاممەد پايعامباردى (س.ع.س.) بەينەلەۋدى قۇپتامايدى عوي, فيلم قالاي تۇسىرىلگەن سوندا؟” دەگەندەي كۇدىك-كۇماننىڭ بولا­تى­نى ءسوزسىز. ءفيلمدى جاساۋ­شى­لار بۇل ماسەلەنى شەبەرلىكپەن شەشە بىلگەن. انيماتسيالىق كار­تينانىڭ ءون بويىندا پايعام­بار­دىڭ ءوزى كورىنبەيتىنى بىلاي تۇرسىن, ونىڭ داۋىسى دا ەستىل­مەيدى. الايدا, ءسىز ادامزات تا­ريحىنداعى ەڭ جاس ءدىننىڭ دىڭگەگى بولعان ۇلى تۇلعانىڭ ۇلاعاتىن ءار ءسات سايىن سەزىنىپ وتىراسىز. شىعارمادا پايعامبارىمىزدىڭ قۇداي ءسوزىن جەر بەتىندەگىلەرگە جەتكىزۋگە كىرىسكەن كەزىنەن باستاپ ونىڭ وسى جولدا كورگەن قيىندىق-قۇقايلارى, قاسيەتتى ءدىنىمىزدى قورلاماق بولعاندارمەن كەسكىلەسكەن كۇرەسى, اقىر اياعىن­دا  ادامداردى ءوز سوڭىنان ەرتۋى, مۇسىلماندىقتىڭ جەر-جاھان­داعى سالتاناتتى شەرۋىن باستاپ بەرۋى وتە شىنايى بەينەلەنگەن. بۇل ءفيلمدى كورگەن ءاربىر الاش ازاماتى, اسىرەسە جاس ۇرپاق وكىل­دەرى كوپ ءتالىم-تاربيە الاتىنى تالاسسىز. كەيىنگى كەزدە ەكران بەتىن جايلاعان جالاڭاش-جالپىلىق, جايداقتىق جونىندە جازىلۋداي-اق جازىلىپ, ايتىلۋداي-اق ايتىلىپ ءجۇر. كەشەگى العاشقى كورسەتىلىمگە پارلامەنت دەپۋتات­تارى ب.تىلەۋحان, ا.سمايىل, س.ەسجان, ن.ونەرباي قاتىستى. ولار دا, تۇساۋكەسەرگە كەلگەن وزگە زيالى قاۋىم وكىلدەرى دە “اسىل ارنا” جاساپ جاتقان يگىلىكتى ءىستى قولدايتىندارىن ايتتى. ارنانىڭ باس ديرەكتورى مۇحامەدجان تازابەكوۆ بىزگە ءفيلمنىڭ كورسەتىلۋ قۇقىن ساتىپ الۋعا, دۋبلياجداۋعا 180 مىڭ دوللار جۇمسالعانىن, لەنتا كورسەتىلگەن العاشقى ءۇش كۇننىڭ وزىندە پروكاتتان 1,5 ميلليون تەڭگە تۇسكەنىن, بۇيىرتسا, شىعىن ءوزىن ءوزى اقتايدى دەپ كۇتىپ وتىرعانىن اڭگىمەلەدى. جالپى “اسىل ارنا” تۇگەلدەي وتاندىق  كاسىپكەرلەردىڭ كومەگى­مەن ءوز قىزمەتىن جالعاستىرىپ كەلەدى. فيلمگە جۇمسالعان قار­جى قايتارىم بەرگەن جاعدايدا كاسىپكەرلەر الداعى كەزدە وسىن­داي جوبالاردى  جۇزەگە اسىرۋعا قوسىمشا قارجى بولمەك كورىنە­دى. ايتقانداي, ءفيلمنىڭ ورىس­شا دۋبلياجىن دا جاساپ شىعار­عان “اسىل ارنا” ونى بۇكىل تمد ەلدەرىنە تاراتۋ قۇقىنا دا يە. قازىردىڭ وزىندە لەنتانى كيەۆتىڭ, قازاننىڭ تەلەارنا­لارى سۇراتىپ وتىر. سۇلەيمەن مامەت.