قازاقستان • 28 قىركۇيەك، 2021

جۋرناليستەر وفلاينعا قاشان ورالادى؟

52 رەت كورسەتىلدى

اقپارات جانە قوعامدىق دامۋ ءمينيسترى ايدا بالاەۆا ASTANA MEDIA WEEK الاڭىندا جۋرناليستەردىڭ ءباسپاسوز كونفەرەنتسيالارىنا جانە مەملەكەتتىك ورگاندار عيماراتتارىنا قولجەتىمدىلىگىنىڭ جوقتىعىنا قاتىستى مينيسترلىكتىڭ اتىنا ايتىلعان سىنعا جاۋاپ بەردى، دەپ حابارلايدى Egemen.kz.

«الەمدىك پاندەميا ادامزاتتى ەكونوميكانىڭ عانا ەمەس، سونىمەن بىرگە ءبىزدىڭ كۇندەلىكتى ءومىرىمىزدىڭ بارلىق سالالارىنا اسەر ەتكەن جاڭاشىلدىقتارعا الىپ كەلدى. بيزنەستە، ءبىلىم بەرۋدە اقپاراتتىق تەحنولوگيالاردى قولدانۋ جىلدامدىعى مەن اۋقىمى ايتارلىقتاي ءوستى. بارلىعى ءبىزدىڭ ءداستۇرىمىز بەن ادەتتەرىمىزدى وزگەرتكەن جاڭا بەيتانىس جۇيەگە تاپ بولدى»، دەدى اقدم باسشىسى.

وسى ورايدا، ول باق-تىڭ ءرولى بۇرىنعىدان دا ارتا تۇسەتىنىن اتاپ ءوتتى.

«مينيسترلىك جۋرناليستەر جۇمىسىنداعى كەز كەلگەن كەدەرگىلەردى جويۋ جانە كاسىبي قىزمەتتە كومەك كورسەتۋ باستى مىندەت دەپ سانايدى. ءبىز مينيسترلىكتىڭ جانە جەكە ءوزىمنىڭ اتىما ءباسپاسوز كونفەرەنتسيالارىنا جانە مەملەكەتتىك ورگانداردىڭ عيماراتتارىنا كىرۋگە قاتىستى سىندى ەستيمىز. مەن سىزدەرگە وسى ماسەلەلەرگە بەي-جاي قارامايتىنىمىزدى جانە جۋرناليستەر ءۇشىن ۇيرەنشىكتى وفلاين-فورماتقا ورالۋ ءۇشىن بارلىق كۇش-جىگەرىمىزدى جۇمسايتىنىمىزدى سەندىرەمىن. بارلىق مەملەكەتتىك ورگاندار قولجەتىمدى بولۋى كەرەك»، دەدى بالاەۆا.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار