جەر سىلكىنىسىن گرەك سەيسمولوگى ەفتيميوس لەككاس «نايزاعاي» سەكىلدى دەپ سيپاتتاعان ەكەن. پوليتسيا وكىلى اركالوحوري قالاسىنداعى جوندەۋ جۇمىستارى ءجۇرىپ جاتقان شىركەۋدىڭ كۇمبەزى قۇلاپ, ەر ادامنىڭ قايتىس بولعانىن حابارلادى. كوپتەگەن عيماراتقا زالال كەلتىرگەن جەر سىلكىنىسى سالدارىنان توعىز ادام جاراقات العان. جەراستى دۇمپۋلەرى كەزىندە كريتتىڭ باس قالاسى يراكليوننىڭ تۇرعىندارى كوشەگە قاشۋعا ءماجبۇر بولعان, ال وقۋشىلار مەكتەپ اۋلالارى مەن قالالىق الاڭدارعا جينالعان.
افينانىڭ گەوديناميكالىق ينستيتۋتى جەر سىلكىنىسىنىڭ ماگنيتۋداسى 5,8-گە جەتكەنىن جانە ونىڭ ەپيتسەنترى كريتتىڭ وڭتۇستىك-شىعىسىنداعى ارۆيدەن سولتۇستىك-باتىسقا قاراي 23 كم (14 ميل) جەردە, 10 كم تەرەڭدىكتە بولعانىن حابارلادى. بۇعان دەيىن ەۋروپالىق جەرورتا تەڭىزى سەيسمولوگيالىق ورتالىعى (EMSC) 6,5 باللدىق جەر سىلكىنىسى بولعانىن ايتقان, ال اقش گەولوگيالىق قىزمەتى (USGS) ونى 6,0 دەپ باعالاعان.
