قازاقستان رەسپۋبليكاسى ءبىلىم جانە عىلىم مينيسترلىگىنىڭ اقپاراتى بويىنشا, بۇگىندە ەلىمىزدە 128 جوعارى وقۋ ورنى جۇمىس ىستەيدى, ولاردىڭ 67-ءسى زاڭگەرلەر دايارلايدى. سوڭعى 5 جىلدا زاڭگەرلەردى دايارلاۋعا 1 480 گرانت ءبولىندى جانە 124 مىڭنان استام زاڭگەر ءبىتىرىپ شىقتى.
سەناتتىڭ سالالىق كوميتەتىنىڭ توراعاسى ۆلاديمير ۆولكوۆ ءوز سوزىندە مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا ءبىلىم بەرۋ ساپاسىن ارتتىرۋعا ەرەكشە نازار اۋدارىلعانىن اتاپ ءوتتى.
وتىرىسقا قاتىسۋشىلار, ولاردىڭ ىشىندە قاراعاندى قالاسىنىڭ جوعارى وقۋ ورىندارىنىڭ وكىلدەرى سالادان تىس جوعارى وقۋ ورىندارىندا زاڭ فاكۋلتەتتەرىن اشۋ جانە جاپپاي ديپلومدى الۋ زاڭ كادرلارىنىڭ كاسىپتىك ءبىلىمىنىڭ ساپالىق دەڭگەيىن تومەندەتەتىنىن اتاپ ءوتتى. سونىمەن قاتار پروفەسسورلىق-وقىتۋشىلىق قۇرامنىڭ تاپشىلىعى دا بايقالىپ وتىر.
ۆلاديمير ۆولكوۆ ءسوزىن قورىتىندىلاي كەلىپ, ءبىلىم بەرۋ جۇيەسى ارقاشان ەلىمىز پرەزيدەنتىنىڭ ەرەكشە باقىلاۋىندا ەكەنىن اتاپ ءوتتى.
«كوميتەت بارلىق مۇددەلى تاراپتى شاقىرا وتىرىپ سەنات قابىرعاسىندا كوميتەت وتىرىسىن وتكىزۋدى جوسپارلاپ وتىر. ونىڭ ناتيجەسى 2022 جىلدىڭ 1 توقسانىندا ۇكىمەت ساعاتىن وتكىزۋ بولادى», دەدى ۆ.ۆولكوۆ.
سەناتورلار سونىمەن قاتار نۇر-سۇلتان قالاسىنىڭ جوعارى وقۋ ورىندارىنداعى, اتاپ ايتقاندا, م.س.نارىكباەۆ اتىنداعى كازگيۋ مەن ل.ن.گۋميلەۆ اتىنداعى ەۇۋ-دەگى زاڭگەرلىك ءبىلىم بەرۋ دەڭگەيىمەن تانىستى.
