كەزدەسۋ ەلوردا ۋاقىتىمەن 19:30-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى. ەكى كوماندا بۇگىنگە دەيىن 36 مارتە شەبەرلىك بايقاستى. ونىڭ 23-ءى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى.
«بارىس» بۇدان ەلوردادا رەسەيدىڭ «سيبير» كومانداسىن وۆەرتايمدا 2:1 ەسەبىمەن باسىم ءتۇستى. ال «اۆتوموبيليست» ەكاتەرينبۋرگتە چەليابينسكىنىڭ «تراكتورىنا» بۋلليتتەن 1:2 ەسەبىمەن جول بەردى.
ايتا كەتەيىك, «بارىس» بيىل بۇدان بۇرىنعى سەگىز كەزدەسۋدىڭ نەبارى ۇشەۋىندە جەڭىسكە جەتتى. تۋرنير كەستەسىندە 18-ورىندا كەلەدى. ال «اۆتوموبيليست» 12 ۇپايمەن 10-ورىندا تۇر.
