كوروناۆيرۋس • 26 قىركۇيەك، 2021

ۆاكتسينا كوروناۆيرۋس قاۋپىن سەيىلتە باستادى

139 رەت كورسەتىلدى

الەمدى ابىگەرگە سالعان كوروناۆيرۋس ءالى دە اپتىعىن باسار ەمەس. كەيىنگى بىرنەشە كۇندە ىندەت جۇقتىرۋ قارقىنى سانى ءسال سايابىرسىعانىمەن، تاۋلىگىنە 500 مىڭعا جۋىق ادام قاۋىپتى دەرتتىڭ تىرناعىنا ىلىنەدى. وسىعان بايلانىستى كوپتەگەن ەلدە ءالى دە كارانتيندىك تالاپتار جەڭىلدەتىلگەن جوق. ايتسە دە، ۆاكتسينا سالدىرعاندار سانى كوپ ەلدەر شەكتەۋ شارالارىن بوساڭداتا باستادى.

ماسەلەن، نيدەرلاندتا وت­كەن سەنبىدەن باستاپ الەۋ­مەت­تىك قاشىقتىق ساقتاۋ مىندەتى الىنىپ تاستالدى. ونىڭ ورنىنا ۆاكتسينا پاسپورتىن كورسەتسە جەت­كىلىكتى. وسىلايشا، ويىن-ساۋىق ورىندارىنا كىرۋ ەركىن بولماق. اتالعان ەلدە 18 ايدان بەرى «1،5 مەترلىك قوعام» تۇ­سى­نىگى قالىپتاسقان ەدى. ياعني ارا­قاشىقتىق 1،5 مەتردەن كەم بول­ماۋعا ءتيىس ەدى. ەندى بۇل تالاپ كۇشىن جويدى.

سەنبىدەن باستاپ 13 جاس­تان اسقان ادامدارعا بارلارعا، دام­حا­نالارعا، مەيرامحانالارعا، سونداي-اق تەاتر سەكىلدى مادەني ورىن­دارعا كىرۋگە شەكتەۋ قو­يىل­مايدى. تەك مەيماندار Covid-19 قۇجاتىن كورسەتۋى قا­جەت. وندا تولىق ۆاكتسينا ال­­عانى، كورو­نا­ۆي­رۋس­قا قارسى تەستتەن وتكەنى نەمەسە جاقىندا جا­زىلىپ شىق­قانى كور­سەتىلۋگە ءتيىس.

سولتۇستىك يرلانديا ۇلى­بري­تانيانىڭ قالعان بولىگىمەن بىرگە قازان ايىنان باستاپ حا­لىق­ارالىق تۋريستەرگە كو­رو­نا­ۆيرۋس تەستىن تاپسىرۋ ەرە­جە­لە­رىن جەڭىلدەتپەك. 4 قا­زان­نان باستاپ «قىزىل» تىزىمگە ەنبەگەن ەلدەردەن كەلگەن، تولىق ۆاكتسينا العان ساياحاتشىلار ۇشار الدىندا تەست تاپسىرمايدى.

كورشىلەس يرلانديا دا شەتەلدەن كەلگەن ساياحاتشىلاردى مى­ن­­دەتتى تۇردە قوناقۇيدە كاران­­تيندە جاتقىزۋ ءتارتىبىنىڭ كۇشىن جويدى. بۇعان سەبەپ – ەل اۋما­­عىندا ۆيرۋس جۇقتىرعاندار سانى­نىڭ ازايۋى.

بيىلعى ناۋرىزدىڭ اياعىنان باستاپ ۇكىمەت بەكىتكەن تىزىمدە بار ەلدەردەن كەلگەن ساياحاتشىلار مىندەتتى تۇردە ەكى اپتا كارانتيندە بولۋعا ءتيىس ەدى. وتكەن سەنبىدە يرلانديا دەنساۋلىق ساقتاۋ ءمينيسترى ستيۆەن دون­نەل­لي بۇل تىزىمدە ەشقانداي ەل قال­ماعانىن مالىمدەدى. ۆەدومستۆو­ باسشىسىنىڭ ايتۋىنشا، بۇل شە­شىم باس دارىگەردىڭ كە­ڭە­سىنە نە­گىزدەلىپ جاسالعان.

سوڭعى رەسمي مالىمەتكە سۇ­يەنسەك، يرلانديادا جالپى سانى 383 مىڭ ادام ۆيرۋس جۇقتىرسا، كوروناۆيرۋس 5 209 ادام­نىڭ ءومىرىن قيدى. قازىرگى تاڭ­دا بەس ميلليون حالقى بار ەلدە جاڭا انىقتالعان ناۋقاستار سانى ازايعان. دۇي­سەن­­بىدەن باستاپ دۋبليندە قا­شىق­تان جۇمىس ىستەۋ مىندەتتى ەمەس. كارانتيندىك تالاپتاردى بۇلاي جەڭىلدەتۋگە حالىقتىڭ جاپپاي ۆاكتسينا سالدىرۋ اسەر ەتتى. بۇگىندە تۇرعىنداردىڭ 90 پا­يىزى ەكپە العان.

مالتا بيلىگى ۆاكتسينا العان سايا­حاتشىلارعا ەلگە كىرۋگە رۇق­سات بەردى. شەشىم تۋرالى تو­لىق اقپارات رەسمي تۋريستىك پور­تالدا ورنالاستىرىلعان. سو­نىمەن قاتار  مالتا ەكپەنىڭ ەكى كومپونەنتىن العان جاعدايدا تۋريستىك ماقساتتا كەلە الاتىن ەلدەردىڭ ءتىزىمىن جاڭارتتى.

تايلاندتا Covid-19 ۆيرۋسىنا قارسى ۆاكتسينا العاندار ەل اۋماعىنا كەلگەندە مىندەتتى ەكى اپتالىق كارانتين مەرزىمىن 7 كۇنگە دەيىن قىسقارتۋ جوس­پارلاندى. الايدا ەكپە ال­عانى تۋرالى انىقتامانى كور­سەت­پە­گەن­دەر ۇشاق ارقىلى كەلسە 10 كۇنگە، قۇرلىق ارقىلى كەلسە 14 كۇنگە وقشاۋلانادى.

مالايزيا ۇكىمەتى مەملە­كەت­ارا­لىق ساياحاتقا سالىنعان تى­يىمدى الىپ تاستاماق. ول ءۇشىن ۆاكتسينا سالدىرعان تۇرعىندار سانى 90 پايىزعا جەتۋگە ءتيىس. بۇل ناتيجەگە قول جەتكىزۋ ءۇشىن ءۇش اپتا مەرزىم قاجەت.

جوعارى قورعانىس ءمينيسترى داتۋك سەري حيشامۋددين حۋ­سەين ۇكىمەتتىڭ ءۇش اپتا ىشىن­دە العا قويعان ماقساتقا جەتۋ ءۇشىن ۆاكتسينا سالۋدى تەز­دەتۋ ءۇشىن ىسكە كىرىسكەنىن ما­لىم­­دەدى. پرەمەر-مينيستر داتۋك سەري يسمايل سابري يااكوب مەملەكەتارالىق سايا­حات­قا ەكپە ال­عاندار سانى 90 پايىزعا جەتكەندە رۇقسات ەتى­لە­تىنىن ما­لىم­دەدى. قازىرگى تاڭدا ما­لاي­زيالىق ەرەسەك ادام­دار­دىڭ شامامەن 80 پايىزى تولىق ۆاكتسينا سالدىرعان.

نورۆەگيادا دا الەۋمەتتىك شەكتەۋ شارالارى مەن بيزنەسكە سالىنعان ەرەجەلەر سەنبىدەن باستاپ جەڭىلدەتىلدى. پرەمەر-مينيستر ەرنا سولبەرگ ءباس­پا­سوز ءماسليحاتىندا الەۋمەتتىك قاشىقتىقتىڭ ەندى قاجەتى جوق ەكەنىن مالىمدەدى. وسى­لاي­شا، تۇنگى كلۋبتار قايتا اشى­لىپ، مەي­رامحانالار جۇ­مى­سىن قا­لىپ­تى جاعدايدا جال­عاس­تى­را­دى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار