ونەر • 26 قىركۇيەك، 2021

تۇركىستاندا « ۇلى دالا مۇراسى» قويىلىمى ۇسىنىلدى

213 رەت كورسەتىلدى

تۇركىستان قالاسىنىڭ كونگرەسس حولل ساحناسىندا قازاقستاننىڭ ەڭبەك سىڭىرگەن قايراتكەرلەرى ايگۇل تاتي مەن مۋكارام ءاۆاحريدىڭ اۆتورلىق ينتەرپرەتاتسياسىندا « ۇلى دالا مۇراسى» اتتى ۇلتتىق ديۆەرتيسمەنت ءوتتى. ءىس-شارالار قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا مادەنيەت جانە سپورت مينيسترلىگىنىڭ قولداۋىمەن «استانا بالەت» تەاترىنىڭ كەزەكتى گاسترولدەرىنىڭ اياسىندا وتكىزىلدى، دەپ حابارلايدى Egemen.kz وبلىستىق اكىمدىكتىڭ ءباسپاسوز قىزمەتىنە سىلتەمە جاساپ.

«قازاقتىڭ حالىقتىق بي شىعارماشىلىعىندا حالىقتىڭ ويلارى، سەزىمدەرى مەن دۇنيەتانىمدارىن بەينەلەيتىن باي داستۇرلەر بار. ءبىزدىڭ تەاتردا ءبىز كوپ جاعدايدا ساقتالعان جانە مۇقيات قورعالاتىن باي وتكەنگە سۇيەنۋگە تىرىسامىز، بىراق سونىمەن بىرگە ۇلتتىق پلاستيكانى دامىتۋدىڭ جاڭا جولدارىن ىزدەيمىز. مەن نە ىستەسەك تە، دەنەنىڭ وزىنە ءتان ۇلتتىق كودتى ساقتاۋ قاسيەتى بار ەكەنىن بايقادىم. مۇنى سوزبەن ايتىپ جەتكىزۋ مۇمكىن ەمەس، ويتكەنى ول سونشالىقتى تابيعي بولىپ، ءتىپتى ەڭ قاراپايىم قوزعالىسقا دا بىرەگەي رەڭك بەرەدى»، دەپ ءبولىستى قر ەڭبەك سىڭىرگەن قايراتكەرى ايگۇل تاتي.

ب

بىرەگەي كونتسەرتتىك باعدارلاما قازاق حالقىنىڭ وزىندىك ەرەكشەلىگىن، بىرەگەيلىگى مەن كولوريتىن بەينەلەيدى. مۋزىكالىق كومپونەنت زاماناۋي ارانجيروۆكاداعى ۇلتتىق اسپاپتاردىڭ دىبىسىمەن ۇسىنىلعان. 

تۇركىستاندىقتار ءۇشىن قويىلىم ەتنوگرافيالىق ماتەريالدار مەن باتىل بالەتمەيستەرلىك شەشىمدەر ۇيلەسىم تاپقان زاماناۋي ۇلتتىق بالەتتىڭ جارقىن كورىنىسىنە اينالدى.

ت

«تۇركى الەمىنىڭ رۋحاني استاناسىنا گاسترولدەر قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا وتۋدە. كورەرمەندەر ءوز تاريحىنا - ۇلى دالا مۇراسىنا دەگەن ەرەكشە ىقىلاس پەن قامقورلىقتى سەزىنە الاتىنىنا سەنىمدىمىز»، دەپ اتاپ ءوتتى تەاتردىڭ كوركەمدىك جەتەكشىسى نۇرلان قانەتوۆ.

بال

ب

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار