2013 جىلعى 31 جەلتوقسان, استانا, ۇكىمەت ءۇيى
«قازاقستان رەسپۋبليكاسىنىڭ مەملەكەتتىك قازىناشىلىق مىندەتتەمەلەرىن شىعارۋدىڭ, ورنالاستىرۋدىڭ, اينالىسقا قوسۋدىڭ, قىزمەت كورسەتۋدىڭ جانە وتەۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 3 ساۋىردەگى № 466 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازاقستان رەسپۋبليكاسىنىڭ مەملەكەتتىك قازىناشىلىق مىندەتتەمەلەرىن شىعارۋدىڭ, ورنالاستىرۋدىڭ, اينالىسقا قوسۋدىڭ, قىزمەت كورسەتۋدىڭ جانە وتەۋدىڭ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 3 ساۋىردەگى № 466 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 33, 158-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ مەملەكەتتىك قازىناشىلىق مىندەتتەمەلەرىن شىعارۋدىڭ, ورنالاستىرۋدىڭ, اينالىسقا قوسۋدىڭ, قىزمەت كورسەتۋدىڭ جانە وتەۋدىڭ ەرەجەسىندە: 3-تارماقتىڭ 3), 5), 6) جانە 8) تارماقشالارى مىناداي رەداكتسيادا جازىلسىن: 3) ورتالىق دەپوزيتاري – قازاقستان رەسپۋبليكاسىنىڭ اۋماعىندا دەپوزيتاريلىك قىزمەتتى جۇزەگە اسىراتىن بىردەن-ءبىر مامانداندىرىلعان كوممەرتسيالىق ەمەس ۇيىم. ورتالىق دەپوزيتاري ەميتەنتپەن جاساسقان شارتقا سايكەس تولەم اگەنتىنىڭ فۋنكتسيالارىن جانە قازىناشىلىق مىندەتتەمەلەردى ەسەپكە الۋ جانە قىزمەت كورسەتۋ جونىندەگى فۋنكتسيالاردى جۇزەگە اسىرادى; 5) قازىناشىلىق مىندەتتەمەلەرگە قىزمەت كورسەتۋ مەن وتەۋدىڭ ىشكى ەرەجەسى – ونىڭ نەگىزىندە ورتالىق دەپوزيتاري قازىناشىلىق مىندەتتەمەلەرگە قىزمەت كورسەتۋدى جانە ولاردى وتەۋدى جۇزەگە اسىراتىن ورتالىق دەپوزيتاريدىڭ ەميتەنتپەن كەلىسىلگەن ىشكى قۇجاتى; 6) باستاپقى ديلەر – بەلگىلەنگەن تارتىپپەن قازىناشىلىق مىندەتتەمەلەردى ورنالاستىرۋعا قاتىسۋعا جىبەرىلگەن جانە قازاقستان رەسپۋبليكاسىنىڭ ۇلتتىق بانكىمەن كەلىسىم بويىنشا ەميتەنت بەلگىلەگەن تالاپتارعا سايكەس كەلەتىن باعالى قاعازدار نارىعىنىڭ كاسىبي قاتىسۋشىسى; 8) دەپونەنت – ورتالىق دەپوزيتاريدىڭ كليەنتى بولىپ تابىلاتىن ۇيىم;»; 6-تارماق مىناداي رەداكتسيادا جازىلسىن: «6. ءاربىر شىعارىلىمنىڭ قازاقستان رەسپۋبليكاسىنىڭ قولدانىستاعى زاڭناماسىنا سايكەس قارجى نارىعىن جانە قارجى ۇيىمدارىن مەملەكەتتىك رەتتەۋ مەن قاداعالاۋ جونىندەگى ۋاكىلەتتى ورگان بەرەتىن ۇلتتىق سايكەستەندىرۋ ءنومىرى (ۇسن) بولادى.»; 7-تارماق مىناداي رەداكتسيادا جازىلسىن: «7. قازىناشىلىق مىندەتتەمەلەر جازىلۋ, اۋكتسيون (قايتالاما اۋكتسيون) وتكىزۋ ارقىلى جانە قازىناشىلىق مىندەتتەمەلەردى ورنالاستىرۋدىڭ ىشكى قاعيدالارىندا بەلگىلەنگەن باسقا دا ساۋدا تاسىلدەرىمەن ورنالاستىرىلادى.»; 8-تارماقتىڭ ءبىرىنشى ابزاتسى مىناداي رەداكتسيادا جازىلسىن: «8. قازىناشىلىق مىندەتتەمەلەردى جانە ولار بويىنشا قۇقىقتاردى ەسەپكە الۋ ورتالىق دەپوزيتاري دەپونەنتتەرىنىڭ دەربەس شوتتارى بويىنشا جانە دەپونەنتتەردىڭ دەربەس شوتتارىندا اشىلعان ينۆەستورلاردىڭ جەكە قوسالقى شوتتارىندا جۇزەگە اسىرىلادى. ورتالىق دەپوزيتاري تولەم اگەنتىنىڭ فۋنكتسيالارىن جۇزەگە اسىرادى, ولار, ەگەر وسى ەرەجەدە وزگەشە كوزدەلمەسە, باستاپقى نارىقتا ورنالاستىرۋ كەزىندە, قايتالاما نارىقتا قازىناشىلىق مىندەتتەمەلەردى اينالىسقا قوسۋ جانە وتەۋ كەزىندە قازىناشىلىق مىندەتتەمەلەر بويىنشا ەسەپ ايىرىسۋلاردى جۇزەگە اسىرۋدى, سونداي-اق قازىناشىلىق مىندەتتەمەلەرگە قىزمەت كورسەتۋدى (سىياقى ەسەپتەۋ جانە تولەۋ) بىلدىرەدى.»; 13-تارماق مىناداي رەداكتسيادا جازىلسىن: «13. ورتالىق دەپوزيتاري ورنالاستىرىلعان قازىناشىلىق مىندەتتەمەلەر بويىنشا ەسەپ ايىرىسۋلاردى جۇزەگە اسىرعان كۇن, ەگەر وسى ەرەجەدە وزگەشە كوزدەلمەسە, قازىناشىلىق مىندەتتەمەلەردى اينالىسقا قوسۋدىڭ باستالعان كۇنى بولىپ ەسەپتەلەدى. قازىناشىلىق مىندەتتەمەلەردى اينالىسقا قوسۋ, ەگەر وسى ەرەجەدە وزگەشە كوزدەلمەسە, وسى مىندەتتەمەلەردى وتەگەن كۇننىڭ الدىنداعى سوڭعى كۇن وتكەندە اياقتالادى.»; 16-تارماقتىڭ ەكىنشى ابزاتسى مىناداي رەداكتسيادا جازىلسىن: «قازىناشىلىق مىندەتتەمەلەردىڭ بەلگىلى ءبىر شىعارىلىمىنىڭ ءبىر بولىگىن نەمەسە بۇكىل كولەمىن ساتىپ الۋ تۋرالى ەميتەنتتىڭ شەشىمى باس قارجى اگەنتىنە جانە باس قارجى اگەنتىنە جەتكىزىلەدى. قارجى اگەنتى, ءوز كەزەگىندە وسى حابارلامانى العاننان كەيىن بەس (5) جۇمىس كۇنى ىشىندە بۇل تۋرالى باستاپقى دەلدالدارعا حابارلايدى.»; مىناداي مازمۇنداعى 16-1-تارماقپەن تولىقتىرىلسىن: «16-1. ەميتەنت قازىناشىلىق مىندەتتەمەلەردىڭ اينالىستاعى بەلگىلى ءبىر شىعارىلىم(-دار-)ىن ەميتەنت بەلگىلەگەن تارتىپپەن وسى قازىناشىلىق مىندەتتەمەلەردىڭ بارلىق ۇستاۋشىلارىنىڭ كەلىسىمى بويىنشا نارىقتىق نەمەسە وزگە قۇنى بويىنشا قازىناشىلىق مىندەتتەمەلەردىڭ جاڭا شىعارىلىمىنا الماستىرۋدى جۇزەگە اسىرا الادى. قازىناشىلىق مىندەتتەمەلەردى الماستىرۋ وعان تىلەك بىلدىرگەن قازىناشىلىق مىندەتتەمەلەردى ۇستاۋشىلاردا عانا جۇرگىزىلەدى. اينالىستاعى قازىناشىلىق مىندەتتەمەلەردىڭ بەلگىلى ءبىر شىعارىلىمىن قازىناشىلىق مىندەتتەردىڭ جاڭا شىعارىلىمىنا الماستىرۋ تۋرالى ەميتەنتتىڭ شەشىمى باس قارجى اگەنتىنىڭ جانە قارجى اگەنتىنىڭ نازارىنا وسىنداي ساتىپ الۋ كۇنىنە دەيىن 20 (جيىرما) جۇمىس كۇنى بۇرىن جەتكىزىلەدى. قارجى اگەنتى, ءوز كەزەگىندە وسى حابارلامانى العاننان كەيىن بەس (5) جۇمىس كۇنى ىشىندە بۇل تۋرالى باستاپقى دەلدالدارعا حابارلايدى. ەميتەنتتىڭ قازىناشىلىق مىندەتتەمەلەردىڭ اينالىستاعى بەلگىلى ءبىر شىعارىلىم(-دار-)ىن قازىناشىلىق مىندەتتەمەلەردىڭ جاڭا شىعارىلىمىنا الماستىرۋ تۋرالى شەشىمى مىنالاردى قامتيدى: 1) الماستىرۋعا جاتاتىن قازىناشىلىق مىندەتتەمەلەردىڭ ۇسن; 2) جاڭا شىعارىلىمنىڭ ۇسن; 3) ۇستاۋشىنىڭ قوسالقى شوتى, ودان الماستىرۋعا جاتاتىن قازىناشىلىق مىندەتتەمەلەردى ەسەپتەن شىعارۋعا بولادى جانە وعان جاڭا شىعارىلىمنىڭ قازىناشىلىق مىندەتتەمەلەرىن ەسەپتەۋگە بولادى. 4) الماستىرۋعا جاتاتىن قازىناشىلىق مىندەتتەمەلەر ەسەپتەن شىعارىلاتىن باعا; 5) جاڭا شىعارىلىمداعى قازىناشىلىق مىندەتتەمەلەر ەسەپتەلەتىن باعا; 6) الماستىرۋعا جاتاتىن قازىناشىلىق مىندەتتەمەلەردىڭ سانى; 7) جاڭا شىعارىلىمداعى قازىناشىلىق مىندەتتەمەلەردىڭ سانى.»; 24-تارماق مىناداي رەداكتسيادا جازىلسىن: «24. قىسقا مەرزىمدى قازىناشىلىق مىندەتتەمەلەردىڭ يەلەرى زاڭنامالىق اكتىلەردە بەلگىلەنگەن شەكتەۋلەردى قوسپاعاندا, قىسقا مەرزىمدى قازىناشىلىق مىندەتتەمەلەرمەن كەز كەلگەن ازاماتتىق-قۇقىقتىق مامىلەلەردى جۇزەگە اسىرا الادى. بۇل رەتتە ينۆەستور قىسقا مەرزىمدى قازىناشىلىق مىندەتتەمەلەرمەن بارلىق وپەراتسيالاردى ورتالىق دەپوزيتاري دەپونەنتى ارقىلى رەسىمدەيدى.»; 72-تارماق مىناداي رەداكتسيادا جازىلسىن: «72. ۇزاق مەرزىمدى جيناقتاۋشى قازىناشىلىق مىندەتتەمەلەر «بىرىڭعاي جيناقتاۋشى زەينەتاقى قورى» اق, ەرىكتى جيناقتاۋشى زەينەتاقى قورلارى, زەينەتاقىمەن قامسىزداندىرۋ تۋرالى شارتتار بويىنشا اكتيۆتەر مەن مىندەتتەمەلەرىن «بىرىڭعاي جيناقتاۋشى زەينەتاقى قورى» اق-عا بەرگەن كۇنگە دەيىن جيناقتاۋشى زەينەتاقى قورلارى, ءومىردى ساقتاندىرۋ كومپانياسى, سونداي-اق «مەملەكەتتىك الەۋمەتتىك ساقتاندىرۋ قورى» اق اراسىندا ورنالاستىرىلادى. قازىناشىلىق مىندەتتەمەلەردى اينالىسقا قوسۋ مەرزىمىنىڭ ەكىدەن ءبىر بولىگى «بىرىڭعاي جيناقتاۋشى زەينەتاقى قورى» اق, ەرىكتى جيناقتاۋشى زەينەتاقى قورلارى, زەينەتاقىمەن قامسىزداندىرۋ تۋرالى شارتتارى بويىنشا زەينەتاقى اكتيۆتەرى مەن مىندەتتەمەلەردىڭ «بىرىڭعاي جيناقتاۋشى زەينەتاقى قورى» اق-نا بەرۋ كۇنىنە دەيىن جيناقتاۋشى زەينەتاقى قورلارى, ءومىردى ساقتاندىرۋ كومپانياسى, سونداي-اق «مەملەكەتتىك الەۋمەتتىك ساقتاندىرۋ قورى» اق اراسىندا جۇزەگە اسىرىلادى. كورسەتىلگەن مەرزىم وتكەننەن كەيىن قازىناشىلىق مىندەتتەمەلەردى اينالىسقا قوسۋ ەركىن نەگىزدە جۇزەگە اسىرىلادى.»; 89, 90-تارماقتار مىناداي رەداكتسيادا جازىلسىن: «89. ارنايى ورتا مەرزىمدى قازىناشىلىق مىندەتتەمەلەر بويىنشا قۇقىقتاردى راستاۋ ورتالىق دەپوزيتاريدى ەسەپكە الۋ جۇيەسىندە ارنايى ورتا مەرزىمدى قازىناشىلىق مىندەتتەمەلەردى ۇستاۋشىنىڭ قوسالقى شوتىنان نە اتاۋلى ۇستاۋشىنى ەسەپكە الۋ جۇيەسىندە ارنايى ورتا مەرزىمدى قازىناشىلىق مىندەتتەمەلەردى ۇستاۋشىنىڭ دەربەس ەسەپ شوتىنان ءۇزىندى كوشىرمە بەرۋ جولىمەن جۇزەگە اسىرىلادى. 90. ارنايى ورتا مەرزىمدى قازىناشىلىق مىندەتتەمەلەرگە جازىلۋ باستالعانعا دەيىن ءبىر جۇمىس كۇنىنەن كەشىكتىرمەي ەميتەنت ورتالىق دەپوزيتاريگە ارنايى ورتا مەرزىمدى قازىناشىلىق مىندەتتەمەلەردى شىعارۋ تۋرالى مالىمەتتەردى بەرەدى.»; 92, 94-تارماقتار مىناداي رەداكتسيادا جازىلسىن: «92. ارنايى ورتا مەرزىمدى قازىناشىلىق مىندەتتەمەلەرگە جازىلۋ 10 (ون) جۇمىس كۇنى ىشىندە جالعاستىرىلادى. ەميتەنت جازىلۋ مەرزىمىن 10 (ون) جۇمىس كۇنىنە دەيىن ۇزارتا الادى. جازىلۋ مەرزىمىن ۇزارتقان جاعدايدا, ەميتەنت جازىلۋ مەرزىمىن ۇزارتۋ باستالعان كۇنگە دەيىن 1 ء(بىر) جۇمىس كۇنىنەن كەشىكتىرمەي بۇل تۋرالى اگەنتتى جانە ورتالىق دەپوزيتاريدى حاباردار ەتەدى جانە قاجەت بولعان كەزدە ارنايى ورتا مەرزىمدى قازىناشىلىق مىندەتتەمەلەردى شىعارۋ تۋرالى مالىمەتتەردى بەرەدى. 94. جەكە تۇلعانىڭ اگەنتتىڭ اتاۋلى ۇستاۋىنىڭ ەسەپكە الۋ جۇيەسىندە اشىلعان جەكە شوتى بولماعان جاعدايدا, ءوتىنىمدى بەرۋمەن ءبىر مەزگىلدە جەكە تۇلعا شوتتى اشۋعا بۇيرىقتى جانە جەكە باسىن كۋالاندىراتىن قۇجاتتىڭ كوشىرمەسىن جانە سالىق تولەۋشىنىڭ تىركەۋ ءنومىرىنىڭ كوشىرمەسىن قوسا بەرە وتىرىپ, بروكەرلىك قىزمەت كورسەتۋ جانە اتاۋلى ۇستاۋ جونىندەگى قىزمەتتەردى كورسەتۋگە جاسالاتىن شارتتىڭ نەگىزىندە اگەنتتىڭ ىشكى قۇجاتتارىنا سايكەس دەربەس شوت اشادى. اگەنت ورتالىق دەپوزيتاريدى ەسەپكە الۋ جۇيەسىندە ءتيىستى قوسالقى شوت اشۋى ءتيىس.»; 97, 98-تارماقتار مىناداي رەداكتسيادا جازىلسىن: «97. جازىلۋ جۇرگىزۋ كەزەڭىندە اگەنت جۇمىس كۇنى ىشىندە وتىنىمدەر قابىلداۋدى جۇرگىزەدى. كەلەسى كۇنى استانا قالاسىنىڭ ۋاقىتىمەن ساعات 11.00-گە دەيىن اگەنت قابىلدانعان جانە قاناعاتتاندىرىلعان وتىنىمدەردىڭ جيىنتىق ۆەدوموسىن قالىپتاستىرادى جانە ەميتەنتكە ءارى بۇيرىقتاردى باستاپقى ورنالاستىرۋعا ءۇشىن ورتالىق دەپوزيتاريگە جىبەرەدى. ورتالىق دەپوزيتاري قابىلدانعان بۇيرىقتاردىڭ نەگىزىندە ارنايى ورتا مەرزىمدى قازىناشىلىق مىندەتتەمەلەردى ءتيىستى قوسالقى شوتتارعا ەسەپتەيدى جانە سول كۇنگى استانا قالاسى ۋاقىتىمەن ساعات 12.00-گە دەيىن بۇيرىقتاردىڭ ورىندالۋى (ورىندالماۋى) تۋرالى ەسەپتەردى اگەنتكە جىبەرەدى. 98. اگەنت ورتالىق دەپوزيتاريدىڭ ەسەبىن العان كۇننەن باستاپ ەكى جۇمىس كۇنى ىشىندە ارنايى ورتا مەرزىمدى قازىناشىلىق مىندەتتەمەلەردى ورنالاستىرۋدان تۇسەتىن قاراجاتتى ەميتەنتكە اۋدارادى.»; 108, 109, 110-تارماقتار مىناداي رەداكتسيادا جازىلسىن: «108. سىياقى تولەۋ كۇنىنە دەيىن 2 (ەكى) جۇمىس كۇنى بۇرىن ورتالىق دەپوزيتاري سىياقى الۋعا قۇقىعى بار ۇستاۋشىلاردىڭ ءتىزىمىن قالىپتاستىرادى جانە سىياقى تولەۋگە جاتاتىن اقش دوللارىنداعى جالپى سوما تۋرالى مالىمەتتەردى ەميتەنتكە جىبەرەدى. 109. سىياقى تولەيتىن كۇنى استانا قالاسىنىڭ ۋاقىتىمەن ساعات 16.00-گە دەيىن ەميتەنت قازاقستان رەسپۋبليكاسىنىڭ ۇلتتىق بانكى سىياقى تولەۋ كۇنىنە بەلگىلەگەن تەڭگەنىڭ اقش دوللارىنا شاققانداعى رەسمي باعامى بويىنشا تەڭگەمەن اقشانى الداعى سىياقى تولەۋ تۋرالى مالىمەتتەردە كورسەتىلگەن سومادا ورتالىق دەپوزيتاريدىڭ پوزيتسياسىنا اۋدارادى. 110. سىياقى تولەيتىن كۇنى استانا قالاسىنىڭ ۋاقىتىمەن ساعات 17.00-گە دەيىن ورتالىق دەپوزيتاري وسى ەرەجەنىڭ 108-تارماعىنا سايكەس قالىپتاستىرىلعان تىزىمگە سايكەس ەميتەنتتەن تۇسكەن اقشانى دەپونەنتتەرگە اۋدارادى.»; 114, 115, 116-تارماقتار مىناداي رەداكتسيادا جازىلسىن: «114. وتەۋ كۇنىنە دەيىن 2 (ەكى) جۇمىس كۇنى بۇرىن ورتالىق دەپوزيتاري وتەۋ كەزىندە اقشا الۋعا قۇقىعى بار ۇستاۋشىلاردىڭ ءتىزىمىن قالىپتاستىرادى جانە وتەۋگە جاتاتىن اقش دوللارىنداعى جالپى سوما تۋرالى مالىمەتتەردى ەميتەنتكە جىبەرەدى. 115. وتەۋ كۇنى استانا قالاسىنىڭ ۋاقىتىمەن ساعات 16.00-گە دەيىن ەميتەنت قازاقستان رەسپۋبليكاسىنىڭ ۇلتتىق بانكى وتەۋ كۇنىنە بەلگىلەگەن تەڭگەنىڭ اقش دوللارىنا شاققانداعى رەسمي باعامى بويىنشا تەڭگەمەن الداعى وتەۋ تۋرالى مالىمەتتەردە كورسەتىلگەن سومادا اقشانى ورتالىق دەپوزيتاريدىڭ پوزيتسياسىنا اۋدارادى. 116. وتەۋ كۇنى استانا قالاسىنىڭ ۋاقىتىمەن 17.00-گە دەيىن ورتالىق دەپوزيتاري وسى ەرەجەنىڭ 114-تارماعىنا سايكەس قالىپتاستىرىلعان تىزىمگە سايكەس دەپونەنتتەرگە اقشا اۋدارادى جانە ءبىر مەزگىلدە قوسالقى شوتتاردان وتەلەتىن ارنايى ورتا مەرزىمدى قازىناشىلىق مىندەتتەمەلەردى ەسەپتەن شىعارادى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
