زاڭسىز تاۋار جازاسىن تابار

زاڭسىز تاۋار وتكىزۋ ءۇشىن شەكارا بۇزۋشىلار بارلىق مۇمكىندىكتەرىن پايدالانۋعا تىرىسادى. دەگەنمەن, قازاقستاندىق شەكاراشىلاردىڭ قىراعىلىعى ارقاسىندا كونترابانداشىلار ۇستالۋدا. ماسەلەن, قورداي شەكارا وتريادىنا قا­راستى «سورتوبە» زاستاۆاسىنىڭ ناريادى كور­شىلەس قىرعىز جەرىنەن 11 جىلقىنى قۋالاپ كەلە جاتقان ءبىر توپ شەكارا بۇزۋشىلاردى باي­قاپ قالدى. بارىمتاشىلاردى توقتاتىپ, قۇجات­تارىن تەكسەرۋگە كەلگەندە ولار قارسىلىق ءبىل­دىر­دى. شەكارا بۇزۋشىلاردى توقتاتۋ ماق­سا­تىندا اسپانعا ەسكەرتۋ وعىن اتۋعا تۋرا كەلدى. زارداپ شەككەن ەشكىم جوق, زاڭسىز قۋالاپ كەلە جاتقان جىلقىلار توقتاتىلدى. اتالعان دە­رەكتەر بويىنشا قۇقىق قورعاۋ ورگاندارى حا­­­­بارلاندىرىلىپ, تەرگەۋ امالدارى ءجۇر­گىزىلۋدە. سونداي-اق, وتكەن تاۋلىك ىشىندە قازاقستاندىق شەكاراشىلار دەكلاراتسيالانباعان ۆاليۋتا, 10 قاپ كولەمىندە بالىق, ءبىر توننا سارى مايدى شەكارادان زاڭسىز الىپ وتپەك بولعانداردى ۇستادى. قازاق-قىتاي شەكاراسىن ءوز بەتىنشە كەسىپ ءوتىپ كەلە جاتقان 24 جاستاعى وتانداسىمىزدى ۇستاعان «قورعاس» شەكارا بەكەتىنىڭ ناريا­دى تەكسەرىس كەزىندە ونىڭ 11 000 دوللار دەك­لا­راتسيالانباعان قارجىسى بار ەكەندىگىن انىقتادى. «مايقاپشاعاي» وتكىزۋ بەكەتىنىڭ شەكاراشىلارى «وسكەمەن-التاي» باعىتىنداعى اۆتوبۋستى تەكسەرۋ كەزىندە ونىڭ جۇكسالعىش بولىگىنەن شورتان بالىعى سالىنعان 10 قاپ­شىق­تى تاپتى, رۇقساتسىز شەكارا اسىپ بارا جات­قان بالىق­تاردى تارازىعا تارتقاندا 1,5 تسەنت­نەر شىقتى. قازاق-قىرعىز شەكاراسىنداعى «سىپاتاي باتىر اۆتو» شەكارا بەكەتىنىڭ باقىلاۋشىلارى ەلىمىزدەن شىعىپ بارا جاتقان, 41 جاستاعى قىرعىز ازاماتىنىڭ «مەرسەدەس بەنتس» اۆتو­كولىگىن قاراۋ كەزىندە ونىڭ سالونىنا جاسى­رىلعان ءبىر توننا سارى مايدى انىقتادى, دەپ حابارلادى ۇقك شق ءباسپاسوز قىزمەتى.