الەم • 24 قىركۇيەك، 2021

EXPO-2020: قازاقستان دۋبايداعى كورمەگە قانشا قارجى ءبولدى

106 رەت كورسەتىلدى

دۋبايدا وتەتىن ەكسپو-2020 دۇنيەجۇزىلىك كورمەسىندەگى قازاقستان پاۆيلونىنا 488 ميلليون تەڭگە جۇمسالادى. اقشانى QazExpoCongress ۇلتتىق كومپانياسى ءبولدى، دەپ حابارلايدى Egemen.kz.

ساۋدا جانە ينتەگراتسيا مينيسترلىگىنىڭ رەسمي ساۋالعا بەرگەن جاۋابىنا سايكەس، قازاقستاننىڭ كورمەگە قاتىسۋىن قامتاماسىز ەتۋ بويىنشا جۇمىستى QazExpoCongress - 2019 جىلعى جەلتوقساندا ساۋدا مينيسترلىگىنە وتكەن بۇرىنعى استانا ەكسپو-2017 جۇرگىزىپ جاتىر.

«قازىرگى تاڭدا بارلىق قۇرىلىس-مونتاج جۇمىستارى اياقتالىپ، ىسكە قوسۋ-جوندەۋ جۇمىستارى جۇرگىزىلىپ جاتىر. قۇرىلىسقا دايىندىق سەرتيفيكاتى الىندى. پاۆيلوننىڭ جوعارى تەحنولوگيالىق جابدىقتارىنىڭ كۇندەلىكتى جانە ۇزدىكسىز جۇمىس ىستەۋىن ۇيىمداستىرۋ ماقساتىندا پايدالانۋ جونىندەگى رەگلامەنتتەرگە سايكەس تەحنيكالىق قىزمەت كورسەتۋدى، سونداي-اق ۇيىمداستىرۋ كوميتەتىنىڭ تالاپتارىنا سايكەس كۇزەتتى، كلينينگتى، دەزينفەكتسيالاۋدى، دەراتيزاتسيالاۋدى، دەزينسەكتسيالاۋدى، اۋا باپتاۋدى قوسا العاندا، ينجەنەرلىك جەلىلەرگە قىزمەت كورسەتۋ جونىندەگى شارالار كەشەنىن جۇزەگە اسىرۋ قاجەت.

وسى ماقساتتارعا قوعام قاراجاتىنان باسەكەلەس ورتادا اشىق كونكۋرس وتكىزۋ ءۇشىن 488 ميلليون تەڭگە ءبولىندى. باعا دۋبايداعى قىزمەتتەردىڭ نارىقتىق قۇنىنا سايكەس قالىپتاسادى»،  دەپ جاۋاپ بەردى ساۋدا مينيسترلىگى.

ۆەدومستۆو كورمەگە قاتىسۋعا بولىنگەن قاراجات كوروناۆيرۋسقا بايلانىستى قىسقارتىلعانىن تۇسىندىرمەدى.

QazExpoCongress كومپانيا قىزمەتكەرلەرى كورمەنىڭ التى اي بويى ىسكەرلىك جانە بيزنەس-ءىس-شارالاردى قالىپتاستىرۋ بويىنشا جۇمىس جۇرگىزىپ جاتقانىن ءتۇسىندىردى. ءىس-شارالار قورىتىندىسى بويىنشا ىنتىماقتاستىق تۋرالى شارتتار مەن كەلىسىمدەرگە قول قويىلادى. ولار ەل ەكونوميكاسىن دامىتۋ ءۇشىن مۋلتيپليكاتيۆتىك اسەر الۋعا مۇمكىندىك بەرەدى دەپ كۇتىلىپ وتىر.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار