قوعام • 24 قىركۇيەك، 2021

ەكى ميلليونعا جۋىق قازاقستاندىق باسپاناعا مۇقتاج

22 رەت كورسەتىلدى

قازاقستان قۇرىلىسشىلار وداعىنىڭ توراعاسى تالعات ەرعاليەۆ قانشا قازاقستاندىق باسپاناعا مۇقتاج ەكەنىن ايتتى، دەپ جازادى Egemen.kz.

«بارلىق باعدارلاما قىسقارتىلىپ جاتىر جانە، ارينە، ادامداردىڭ قارجىلىق جاعدايى ناشارلاي باستادى. مۇقتاج ادامداردىڭ ساناتتارى ءار ءتۇرلى - كوپبالالى وتباسىلار، جەتىم بالالار، اۋىلدا تۇراتىندار، قالالارعا قونىس اۋدارىپ، قالادا ءومىر سۇرگىسى جانە جۇمىس ىستەگىسى كەلەتىندەر بار. اسكەري قىزمەتشىلەر، ءتارتىپ ساقشىلارى دا كەزەككە تۇرۋعا قۇقىلى»، دەدى تالعات ەرعاليەۆ ۇيىم وتىرىسىندا.

ونىڭ ايتۋىنشا، جاڭا باعدارلامالار قاجەت.

«قازاقستاندا شامامەن 2 ميلليونعا جۋىق ادام باسپاناعا مۇقتاج. جالاقىدان جالاقىعا دەيىن ءومىر سۇرەتىن ادامداردىڭ باسپانا ماسەلەسىن شەشۋ قارجىلاندىرۋدى قاجەت ەتەدى. مىسالى، باستاپقى جارنا كولەمى - 5% بولسا، قالعان قارىزدى 15-20 جىل ىشىندە تولەۋگە مۇمكىندىك بەرىلگەنى ءجون»، دەپ قورىتىندىلادى قۇرىلىسشىلار وداعىنىڭ باسشىسى. 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار