ستۋدەنتتەردىڭ كوپشىلىگى رەسەي ۋنيۆەرسيتەتتەرىنەن اۋىستى. سونداي-اق بۇرىن اقش, قىتاي, فرانتسيا, ماجارستان, چەحيا, پولشا, تۇركيا ۋنيۆەرسيتەتتەرىندە وقىعان, بىراق قازاقستاندا وقۋىن جالعاستىرۋعا شەشىم قابىلداعان ستۋدەنتتەر دە بار.
«قىسقى جانە جازعى سەسسيانىڭ قورىتىندىسى بويىنشا بۇرىن شەتەلدە ءبىلىم العان 11 مىڭنان استام ستۋدەنت قازاقستاندىق جوعارى وقۋ ورىندارىنا اۋىسۋعا نيەت ءبىلدىردى. ولار جەڭىلدەتىلگەن اۋىسۋ ءتارتىبى بويىنشا قابىلدانىپ, قازىر وتاندىق جوعارى وقۋ ورىندارىندا ءبىلىم الىپ جاتىر. ماسەلەن, ولار ءال-فارابي اتىنداعى قازاق ۇلتتىق ۋنيۆەرسيتەتى, قازاق ۇلتتىق قىزدار پەداگوگيكالىق ۋنيۆەرسيتەتى, نارحوز ۋنيۆەرسيتەتى, ق.ساتباەۆ اتىنداعى قازۇتزۋ جانە باسقا دا جوعارى وقۋ ورىندارىنا قابىلداندى. وتكەن جىلى شەتەلدىك جوعارى وقۋ ورىندارىنان 15 مىڭعا جۋىق ستۋدەنت ءبىزدىڭ ۋنيۆەرسيتەتىمىزگە اۋىستى», دەدى قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ.
