جوبا بىتىراڭقى اقپاراتتىق جۇيەلەردى بىرىكتىرىپ, تۇرعىن ءۇي-كوممۋنالدىق شارۋاشىلىقتىڭ تسيفرلىق جۇيەسىنە اينالادى. جوبانىڭ ءبىرىنشى كەزەڭىندە اقپاراتتىق جۇيە كوپپاتەرلى تۇرعىن ۇيلەردىڭ سانى, ولاردىڭ تەحنيكالىق جاي-كۇيى, ۇيلەردى باسقارۋ ورگاندارىنان الىناتىن ەسەپكە الۋ اسپاپتارى بويىنشا تالدامالىق دەرەكتەردى قالىپتاستىرۋعا, سونداي-اق تابيعي مونوپوليا سۋبەكتىلەرىمەن جانە ءۇيدى باسقارۋدىڭ نارىقتىق IT-قوسىمشالارىمەن (ە-پيك, BI clients جانە ت.ب.) ينتەگراتسيا جۇرگىزۋگە مۇمكىندىك بەرمەك. جۇيە ودان ءارى دامي تۇسەدى. سونىڭ شەڭبەرىندە رەيتينگتەر جاساپ, باسقارۋشىلار مەن قىزمەت كورسەتەتىن كومپانيالاردىڭ ءتىزىلىمى قالىپتاسادى.
«تكش قازورتالىعى» اق باسقارما توراعاسى ەربول تولەۋوۆتىڭ ايتۋىنشا, «ە-شاڭىراق» اقپاراتتىق جۇيەسى – رەسپۋبليكانىڭ بارلىق تۇرعىن ءۇي-كوممۋنالدىق ينفراقۇرىلىمىن تسيفرلاندىرۋعا مۇمكىندىك بەرەتىن اۋقىمدى جوبا. جۇيەدە جيناقتالعان دەرەكتەر سالانىڭ اشىقتىعىن ارتتىرىپ, باسەكەلەستىك نارىقتى قالىپتاستىرادى. جوبا مەملەكەت-جەكەمەنشىك ارىپتەستىگى تەتىگى بويىنشا بيۋدجەتتىك قارجىلاندىرۋسىز ىسكە اسىرىلادى ەكەن.
