قازاقستان وڭىرلەرىندەگى ەپيدەميالىق احۋالدى باعالاۋ ماتريتساسىنا نازار سالساق, «قىزىل ايماقتا» نۇر-سۇلتان, الماتى قالالارى جانە اقمولا, اقتوبە, قاراعاندى, قوستاناي, پاۆلودار وبلىستارى, «سارى ايماقتا» شىمكەنت قالاسى جانە اتىراۋ, الماتى, قىزىلوردا, سولتۇستىك قازاقستان, باتىس قازاقستان, شىعىس قازاقستان وبلىستارى, ال «جاسىل ايماقتا» تۇركىستان, جامبىل, ماڭعىستاۋ وبلىستارى تۇر.
بۇگىندە 66 215 ادام كوروناۆيرۋس ينفەكتسياسىنان ەمدەلۋدە, ولاردىڭ ىشىندە 11 653 پاتسيەنت ستاتسيوناردا, 54 562 ناۋقاس امبۋلاتوريالىق دەڭگەيدە ەم قابىلداۋدا. ىندەتكە شالدىققانداردىڭ اراسىندا 962 ادامنىڭ جاعدايى اۋىر, 239 پاتسيەنتتىڭ جاعدايى وتە اۋىر, 131 ناۋقاس ءوجج اپپاراتىندا جاتىر.
ەلىمىزدە وتكەن تاۋلىكتە
3 905 ادام كوروناۆيرۋس ىندەتىنەن ەمدەلىپ شىقتى. ايماقتار بويىنشا ايتار بولساق, نۇر-سۇلتان قالاسىندا – 200, الماتى قالاسىندا – 848, شىمكەنت قالاسىندا – 72, اقمولا وبلىسىندا – 201, اقتوبە وبلىسىندا – 137, الماتى وبلىسىندا – 578, اتىراۋ وبلىسىندا – 265, شىعىس قازاقستان وبلىسىندا – 193, جامبىل وبلىسىندا – 82, باتىس قازاقستان وبلىسىندا – 136, قاراعاندى وبلىسىندا – 399, قوستاناي وبلىسىدا – 142, قىزىلوردا وبلىسىندا – 59, ماڭعىستاۋ وبلىسىندا – 98, پاۆلودار وبلىسىندا – 312, سولتۇستىك قازاقستان وبلىسىندا – 163, تۇركىستان وبلىسىندا 20 ادام كوروناۆيرۋس ينفەكتسياسىنان ايىقتى. قازاقستان بويىنشا جالپى ىندەتتەن جازىلعاندار سانى – 801 673 ادام.
حالىقتىڭ جاپپاي ۆاكتسينا سالدىرۋى – بەرەكەمىزدى ابدەن قاشىرىپ, اماندىعىمىزعا زور قاۋپىن ءتوندىرىپ تۇرعان ىندەتتەن ءبىرجولا قۇتىلۋدىڭ بىردەن-ءبىر امالى. ال كوروناۆيرۋستىڭ مۋتاتسياعا ۇشىرىپ قايتا كۇشەيگەن شاعىندا كوپشىلىكتىڭ كوكەيىندە «ەلىمىزدەگى قولجەتىمدى ۆاكتسينالار كوروناۆيرۋستىڭ جاڭا شتامدارىنا قانشالىقتى توتەپ بەرە الادى؟» دەگەن سۇراقتىڭ تۋىنداعانى انىق. بۇل رەتتە بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتىنىڭ عالىمدارى زەرتتەۋلەر جۇرگىزىپ, وتاندىق QazVac ۆاكتسيناسى «دەلتا» شتامىنان ءتيىمدى قورعايتىنىن حابارلادى.
عالىمدار بەيتاراپتاندىرۋ رەاكتسياسىنا تەست وتكىزدى. ناتيجەسىندە, ۆيرۋستى بەيتاراپتاندىراتىن انتيدەنەلەر كلينيكالىق زەرتتەۋلەرگە قاتىسقان ەرىكتىلەردىڭ 90%-نان استامىندا انىقتالدى. سونداي-اق زەرتحانالىق جانۋارلارعا تاجىريبەلەر جۇرگىزىلدى. QazVac ۆاكتسيناسىنان كەيىن الامانداردا پايدا بولعان انتيدەنەلەر كوروناۆيرۋستىڭ ء«ۇندى» شتامىن بەيتاراپتاندىرۋعا قابىلەتتى ەكەنى انىقتالدى.
وسى ورايدا كوروناۆيرۋسقا قارسى QazVaس ۆاكتسيناسىن بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ عالىمدارى ازىرلەگەنىن ايتا كەتكەن ءجون.
