ساياسات • 24 قىركۇيەك، 2021

باس پروكۋرورلار باس قوستى

25 رەت كورسەتىلدى

ەلوردادا تمد-عا مۇشە مەملەكەتتەر باس پروكۋرورلارىنىڭ ۇيلەستىرۋ كەڭەسىنىڭ جيىنى ءوتىپ جاتىر. وسىمەن 31-رەت ۇيىمداستىرىلىپ وتىرعان ءىس-شارانىڭ اشىلۋ سالتاناتىنا مەملەكەتتىك حاتشى قىرىمبەك كوشەرباەۆ، قازاقستان، رەسەي، ازەربايجان، ارمەنيا، بەلارۋس، قىرعىزستان، مولدوۆا، تاجىكستان جانە وزبەكستان مەملەكەتتەرىنىڭ باس پروكۋرورلارى قاتىستى.

مەملەكەتتىك حاتشى قازاق­ستان پرەزيدەنتى قاسىم-جومارت توقاەۆتىڭ قۇتتىقتاۋ ءسوزىن وقىپ بەرىپ، جيىن جۇمى­سىنا تابىس تىلەدى.

«سىزدەردى قازاقستاندا قار­سى الىپ جاتقانىمىزعا شىن جۇرەكتەن قۋانىشتىمىن. تمد ەلدەرى باس پروكۋرورلارى­نىڭ ۇيلەستىرۋ كەڭەسى – ادام قۇ­قىقتارىن قورعاۋ سالا­سىن­داعى ۇزدىك الەمدىك پراك­تي­­كالاردى زەردەلەپ، تال­قىلاي­تىن ماڭىزدى الاڭ. ءوزارا ءىس-قيمىلدىڭ مۇنداي فورماتى – قۇقىقتىق سالاداعى ءتيىم­دى حالىقارالىق ىنتىماق­تاس­­تىق­تىڭ ۇلگىسى. تمد كەڭىس­تى­گىن­دە زاڭدىلىق پەن قۇقىق­تىق ءتارتىپتى قامتاماسىز ەتۋ ءۇشىن كۇش-جىگەر بارعان سايىن سۇرا­نىسقا يە بولىپ كەلەدى. وسى جاعدايدا ۇيلەستىرۋ كەڭە­سى ارىپتەستىكتى كەڭەيتۋگە جانە وڭىردەگى تۇراقتىلىقتى نىعاي­تۋعا قوماقتى ۇلەس قوسادى. پرو­كۋراتۋرانىڭ قىزمەتى بۇ­كىل قۇ­قىق قورعاۋ جۇيەسىنىڭ تيىم­دىلىگىن­دە، قۇقىق ۇستەمدىگىن قامتا­ما­سىز ەتۋدە جانە زاڭ ال­دىن­داعى تەڭ­دىكتە باستى ءرول اتقارادى. قازاق­ستان تمد ەل­دەرىنىڭ قادا­عالاۋشى ورگان­دارىنىڭ كوپ­جىلدىق ىن­تى­ماقتاستى­عىن جوعارى باعالايدى. بۇگىن وسى سا­لاداعى وزەكتى ساۋالدار جەمىس­تى تالقى­لانىپ، بىرلەسكەن جۇ­مىس­­تىڭ جاڭا باسىمدىقتارى بەل­گى­­لە­­نە­تىنىنە سەنىمدىمىن. وتى­­رىس­­­قا قاتىسۋشىلارعا تابىس جانە العا قويىلعان بار­لىق مىن­دەتتى جۇزەگە اسىرۋدى تىلەيمىن»، دەلىنگەن پرە­زي­دەنت­تىڭ قۇتتىقتاۋىندا.

رەسەي فەدەراتسياسىنىڭ باس پروكۋرورى يگور كراسنوۆ وتى­­رىستى اشا وتىرىپ، قا­زاق­­ستاننىڭ باس پروكۋرورى عيزات نۇرداۋلەتوۆكە بۇگىنگى ءىس-شارانى ۇيىمداستىرىپ، قازاق جەرىندە جىلى شىراي­مەن قارسى العانى ءۇشىن جانە كەڭەستىڭ بارلىق مۇشە­سى­نىڭ جەكە كەزدەسۋىنە مۇمكىن­دىك بەرگەنىنە ەرەكشە ريزاشى­لىعىن ءبىلدىردى.

«پاندەميانىڭ شيەلەنىس­كەن جاعدايىندا كوپتەن كۇت­كەن بۇل كەزدەسۋ قازاقستان رەس­پۋب­ليكاسىنىڭ باس پرو­كۋرا­تۋراسى مەن ۇيلەستىرۋ كەڭەسى حات­شىلىعىنىڭ ۇجىم­دارى­نىڭ ۇيلەسىمدى جۇمىسى­نىڭ ناتيجەسىندە مۇمكىن بولىپ وتىر. بۇل ءبىزدىڭ ىنتى­ماق­تاستىقتى ودان ءارى دامىتۋعا جانە وزەكتى ماسەلەلەردى بىرلە­سىپ شەشۋگە باعىت العانى­مىزدىڭ كورىنىسى»، دەدى رەسەي باس پروكۋرورى.

ال قازاقستان رەسپۋبلي­كاسىنىڭ باس پروكۋرورى عيزات نۇرداۋلەتوۆ ءىس-شاراعا قاتىسۋشىلاردى قۇتتىقتاپ، تابىستى جۇمىس تىلەي وتىرا، وسى باعىتتاعى بىرلەسكەن جۇ­مىستىڭ ماڭىزدىلىعىنا توقتالدى.

«ەلدەرىمىزدەگى كوروناۆيرۋس جاعدايىنىڭ تۇراقتانۋى ءىس-شارانى ءداستۇرلى فورماتتا وتكىزۋگە مۇمكىندىك بەرىپ وتىر. مەن بارشاڭىزدى ەسەن-ساۋ كور­گەنىمە قۋانىشتىمىن. وتى­رىس­قا تاۋەلسىز مەملە­كەتتەر دوس­تاستىعىنا قاتىسۋ­شى مەملە­كەتتەردىڭ باس پرو­كۋراتۋرا­لارى­نىڭ دەلەگاتسيالارى قاتىسۋدا.

قازاقستان رەسپۋبليكاسى پرەزيدەنتىنىڭ تاپسىرماسى بويىنشا قۇقىق قورعاۋ بلوگى مەن سوت جۇيەسىن رەفورمالاۋ­عا باعىتتالعان ۇلكەن جۇمىس ءجۇرىپ جاتىر. پروكۋراتۋرا ور­گاندارىنىڭ قىزمەتىن قايتا جۇكتەپ جاتىرمىز دەسە دە بولادى. مۇنداعى ماقساتتاردىڭ ءبىرى – سالالاردىڭ بارىندە، ەڭ ءبىرىنشى قىلمىستىق پروتسەستەردە ازاماتتاردىڭ قۇقىقتىق كەپىلدىگىن كۇشەيتۋ. بۇگىن ءبىز تاجىريبە الماسىپ، وسى جۇمىستىڭ ناتيجەلەرى تۋرالى ايتىپ بەرەمىز»، دەدى عيزات نۇرداۋلەتوۆ.

وسى جيىن ءۇشىن ەلورداعا ارنايى كەلگەن حالىقارالىق پروكۋرورلار قاۋىمداستىعىنىڭ پرەزيدەنتى چحول-كيۋ حۆان تمد پروكۋرورلارىنا بىر­لەسكەن كەڭەس وتكىزۋدى ۇسىندى.

«تمد-عا مۇشە مەملەكەت­تەر­دىڭ باس پروكۋرورلارىمەن قازاقستان استاناسىندا كەز­دەسىپ وتىرعانىما وتە قۋا­نىش­تىمىن. حالىقارالىق پروكۋرورلار قاۋىمداستىعىنىڭ اتىنان تمد-عا مۇشە مەملەكەتتەر باس پروكۋرورلارىنىڭ ۇيلەستىرۋ كەڭەسىنىڭ 31-وتىرىسىمەن قۇتتىقتايمىن. حپق پرەزيدەنتى رەتىندە مەن ءۇشىن مۇنداي بەدەلدى ماجىلىسكە قاتىسۋ – ۇلكەن قۇرمەت.

حالىقارالىق پروكۋرورلار قاۋىمداستىعى وسى ۇيلەستىرۋ كەڭەسىنىڭ ماجىلىستەرىنە 2017 جىلدان بەرى قاتىسىپ كەلەدى. حپق سىزدەرمەن جاقىن ارىپتەس بولىپ ۇلگەردى دەگەن ويدامىن. حالىقارالىق پروكۋرورلار قاۋىمداستىعىنىڭ شىعىس ەۋروپا مەن ورتالىق ازياداعى وكىلدىگى كەلەسى ايدا سانكت-پەتەربۋرگتە رەسمي تۇردە جۇمىسىن باستايدى. سون­دىق­تان حپق تمد باس پرو­كۋ­رور­لارىنىڭ ۇيلەستىرۋ كەڭەسى­مەن مەيلىنشە تىعىز باي­لا­نىستا جۇمىس ىستەيدى دەپ كۇ­تەمىز. ەگەر ەكى ۇيىم بىرلەس­­كەن وڭىرلىك كونفەرەنتسيا وتكىز­­سە، كەلەشەكتەگى تىعىز ارىپتەس­تىك­تى ىنتالاندىرۋعا جول اشى­لار ەدى. مەن ۇيىمدار­دىڭ بىر­گە جۇمىس ىستەۋىن جالعاس­تى­راتىنىنا سەنىمدىمىن. وسى ارقىلى ترانسۇلتتىق قىلمىسقا بىرلەسىپ جاۋاپ بەرە الامىز دەپ ويلايمىن. وسىلايشا، ءوزارا ءتيىمدى ناتيجەلەرگە قول جەتكىزۋگە بولادى»، دەدى چحول-كيۋ حۆان.

سونىمەن بىرگە ول حالىق­ارالىق پروكۋرورلار قاۋىم­داستىعى حالىقارالىق پرو­كۋرورلىق قىزمەتتىڭ جۇمى­سىن ىل­­گەرىلەتەتىن ۇلكەن پلاتفورما قۇرىپ جاتقانىن حابارلادى. چحول-كيۋ حۆاننىڭ ايتۋىنشا، بۇل پلاتفورما پروكۋرورلارعا ناقتى كە­زەڭدە ءوزارا ارىپتەستىك ورنا­تۋعا مۇمكىندىك بەرمەك.

وتىرىس سوڭىندا تمد ەلدەرى باس پروكۋرورلارىنىڭ ۇيلەستىرۋ كەڭەسى بىرقاتار قو­رى­تىندى شەشىم قابىلدادى.

 

سوڭعى جاڭالىقتار

ۇقساس جاڭالىقتار