ولاردىڭ ءبىرى – جەزقازعان قالاسىنداعى ونەر مەكتەبىنىڭ سەگىزىنشى سىنىپ وقۋشىسى ايالا قۋانىش «جاس سۋرەتشى» اتالىمى بويىنشا ءبىرىنشى جۇلدەنى جەڭىپ السا, قاراعاندىداعى №2 ليتسەيدىڭ وقۋشىسى يانا يۆانوچكينا «كوللاج» جانرى بويىنشا ەكىنشى ورىندى يەلەندى.
«سارىارقا دارىنى» بالالارعا ارنالعان قوسىمشا ءبىلىم بەرۋ ايماقتىق عىلىمي-پراكتيكالىق ورتالىعىنىڭ ادىسكەرى گۇلناز مانانباەۆا ەكى جاس سۋرەتشىنىڭ دە بولاشاعى زور ەكەنىن ايتادى.
«اتالعان بايقاۋعا وبلىسىمىزدان سەگىز سۋرەتشى قاتىستى. ال ايالا مەن يانا ۇسىنعان جۇمىستاردىڭ شىنىندا دا جوعارى تالعاممەن ورىندالعانىن ايتا كەتكەن ءجون. الداعى ۋاقىتتا ءبىز دارىندى ورەندەردىڭ شىعارماشىلىعىن ءجىتى قاداعالايتىن بولامىز», دەيدى ول.
بيىلعى بايقاۋ تاۋەلسىزدىكتىڭ 30 جىلدىق مەرەيتويىن اتاپ ءوتۋ اياسىندا ۇيىمداستىرىلىپ, ۇمىتكەرلەر ءوز تۋىندىلارىن «تاۋەلسىز قازاقستان – بالالار كوزىمەن» ۇرانى بويىنشا ۇسىنعانىن ايتا كەتكەن ءلازىم.
جالپى, اتالعان ونەر سايىسىنا ەلىمىزدىڭ تۇپكىر-تۇپكىرىنەن 136 جاس سۋرەتشى قاتىسقان بولاتىن. بايقاۋدا جەڭىمپاز جانە جۇلدەگەر بولعان تالانتتار ديپلومدارمەن جانە ارنايى سىيلىقتارمەن ماراپاتتالدى.
