ءماجىلىس دەپۋتاتتارى ايدوس سارىم, بەرىك ابدىعالي ۇلى مەن يۋليا كۋچينسكايا, سونداي-اق سەرىك سەيدۋمانوۆ (قازاقستان), ماركۋس كورنپروبست (ەقىۇ), الەكسەي پيلكو جانە باسقا دا قازاقستاندىق جانە شەتەلدىك ساراپشىلار بايانداما جاسادى.
كونفەرەنتسيا جۇمىسىنا قر ءپا قازاقستان حالقى اسسامبلەياسى حاتشىلىعى باسشىلىعىنىڭ وكىلى ەرلان ابدىقاسوۆ پەن قر اقدم ەتنوسارالىق قاتىناستاردى دامىتۋ جونىندەگى كوميتەتىنىڭ توراعاسى عالىم شويكين قاتىستى.
سپيكەرلەر مەن قاتىسۋشىلار ازاماتتىق قوعامدى, ازاماتتىق مادەنيەت پەن قازاقستاندىقتاردىڭ ءپاتريوتيزمىن دامىتۋ ماسەلەلەرىن كوتەردى. قازاقستانداعى ەتنوسارالىق قاتىناستاردى دامىتۋ سالاسىنداعى پراكتيكالىق باعىتتار تۋرالى تالقىلادى.
قر اقدم ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين مادەني ارتۇرلىلىكتى مويىنداي وتىرىپ, ينتەركۋلتۋراليزم ءارتۇرلى ۇلت پەن ءدىن ازاماتتارىنىڭ ورتاق مۇددەدە بولۋىن بىلدىرەتىنىن ايتتى.
«قاتىسۋشىلار قازاقستاننىڭ ەتنوسارالىق كەلىسىم سالاسىنداعى مەملەكەتتىك ساياساتى اشىق, ءارى ايقىن قاعيداتتارعا نەگىزدەلەتىنىن ءبىراۋىزدان ايتىپ ءوتتى. ەلباسى نۇرسۇلتان نازارباەۆتىڭ ەتنوسارالىق كەلىسىم مودەلىنىڭ ساباقتاستىق باعىتى رەتىندە مەملەكەت باسشىسى قاسىم-جومارت توقاەۆ بەلگىلەگەن «ەل بىرلىگى – ونىڭ ارالۋاندىعىندا!» قاعيداتى - قازاقستاندىق قوعامنىڭ تۇراقتىلىعى مەن توپتاسۋىن قامتاماسىز ەتۋ, سىندارلى ديالوگ پەن ءوزارا ءىس-قيمىل نەگىزىندە ەتنوسارالىق پروتسەستەردى رەتتەۋ» دەپ جازادى اقدم ءباسپاسوز قىزمەتى.
كونفەرەنتسياعا قاتىسۋشىلار ەتنوس وكىلدەرىنىڭ قازاقستاندىق قوعامعا كىرىگۋىنە, ونىڭ ىشىندە مەملەكەتتىك ءتىلدى ۇيرەنۋ, ءبىلۋ, ءوزارا مادەني بايلانىس پەن قازاقستان حالقىنىڭ سان الۋاندىعىن قۇرمەتتەۋ تۇرعىسىندا اشىق ەكەنىن اتاپ ءوتتى.
