توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, جوبانىڭ باستاماشىلارى ازاماتتىق قورعاۋ ورگاندارىنىڭ قىزمەتكەرلەرى مەن ارداگەرلەرى بولدى.
«يدەيا بۇرىننان پايدا بولدى. باستامانى ءتىلسىز جاۋمەن كۇرەسۋشىلەردى ەسكە سالاتىن ءتۇرلى جوبالاردا ىسكە اسىرۋدى جالعاستىرامىز. جامبىل وبلىسىنداعى سوڭعى قايعىلى وقيعالار ىسكە اسىرۋعا تۇرتكى بولدى», دەدى 29 جىلدىق ەڭبەك ءوتىلى بار ورتكە قارسى قىزمەت ارداگەرى ەرىك ءماجيتوۆ.
مۋرالدى كوكشەتاۋدان كەلگەن سۋرەتشى-ديزاينەرلەر الديار جاكەەۆ پەن ماعجان ايتقوجەۆ جاساعان. سۋرەتشىلەر ءتورت كۇن بويى كوپ مەترلىك بيىكتىكتە جۇمىس ىستەدى.
سۋرەتشىلەردىڭ وزدەرى مويىنداعانداي, مۋرالدىڭ ورتالىق فيگۋراسىن ورىنداۋ قيىن بولدى. ۇسىنىلعان التى ەسكيزدىڭ ىشىنەن تەك بىرەۋى تاڭدالدى, وندا مۇنداي باتىرلىق پەن قاۋىپتى ماماندىقتىڭ قۇرباندىعى تۋرالى وي تۇيىندەلگەن, كومپوزيتسيا ەپيزودتارىنىڭ بىرىندە ءورت ءسوندىرۋشى جالىننان قورىققان بالانى قۇتقارعانى بەينەلەنەدى», دەپ تولىقتىردى ءباسپاسوز قىزمەتى.
مۋرالدىڭ تومەنگى جاعىندا QR-كودى بار تاقتايشا ورناتىلادى, ول قازاقستان رەسپۋبليكاسى تجم قۇرىلۋ تاريحى, ۆەدومستۆو جۇمىسىنىڭ قورىتىندىلارى جانە قازا تاپقان قۇتقارۋشىلار تۋرالى اقپاراتتىق رەسۋرسقا كوشۋگە مۇمكىندىك بەرەدى.
