ونى ەكى تاسىلمەن – eGov پورتالى ارقىلى نەمەسە حقو جۇگىنۋ ارقىلى قالپىنا كەلتىرۋگە بولادى.
اسكەري بيلەتتى eGov ارقىلى قالپىنا كەلتىرۋ ءۇشىن پورتالدا اۆتوريزاتسيادان ءوتىپ, «زاپاستاعى وفيتسەرلەرگە, سەرجانتتارعا, ساربازدارعا اسكەري بيلەتتەر (اسكەري بيلەتتەردىڭ ورنىنا ۋاقىتشا كۋالىكتەر) نەمەسە ولاردىڭ تەلنۇسقالارىن بەرۋ» قىزمەتىن تاڭداۋ قاجەت. بۇدان كەيىن «قىزمەتتەرگە ونلاين تاپسىرىس بەرۋ» باتىرماسىن باسىپ, ەتسق نەمەسە سمس-پارول ارقىلى قول قويۋ قاجەت بولاتىن ارنايى ءوتىنىمدى تولتىراسىز.
قىزمەت تەگىن, قىزمەت كورسەتۋ مەرزىمى 5-7 جۇمىس كۇنىنە دەيىن.
ەگەر ءسىز «اسكەري بيلەتتى» حقو ارقىلى قالپىنا كەلتىرۋدى شەشسەڭىز, وندا سىزگە قۇجاتتار تىزبەسىن جيناۋ قاجەت بولادى. قانداي قۇجاتتار قاجەت ەكەنىن حقو كەڭەسشىلەرىنەن نەمەسە 1414 ءنومىرى بويىنشا بىلۋگە بولادى. قىزمەت كورسەتۋ مەرزىمى 10 جۇمىس كۇنى.
حقو-عا جۇگىنگەن كەزدە, وزىڭىزبەن بىرگە تالاپتارعا ساي تۇسىرىلگەن 3ح4 فوتوسۋرەتى بولۋى كەرەك. سونداي-اق فوتوسۋرەت ءوتىنىش بەرۋشىنىڭ جاسىنا سايكەس كەلۋى جانە قاتاڭ تۇردە اشىق فوندا تولىق كولەمدە ءتۇسىرىلۋى ءتيىس, ادامنىڭ بەت-ءجۇزى جالپى فوتوالاڭىنىڭ 70%-ىن الۋى ءتيىس.
