ددسۇ مالىمەتى بويىنشا, لاس اۋا جىل سايىن جەتى ميلليوننان اسا ادامنىڭ مەزگىلسىز قايتىس بولۋىنا سەبەپ بولادى. دۇنيەجۇزىلىك دەنساۋلىق ساقتاۋ ۇيىمى سوڭعى رەت 2005 جىلى اۋا ساپاسى جونىندەگى نۇسقاۋلىقتاردى جاريالادى, ال سوڭعى 16 جىلداعى مالىمەتتەردى تالداي كەلە, قازىرگى كەزدەگى زيان بولشەكتەر بۇرىن قابىلدانعان كونتسەنتراتسيادان تومەن, ءارى زيان دەگەن قورىتىندىعا كەلدى.
«اۋانىڭ لاستانۋى بارلىق ەلدە دەنساۋلىققا قاۋىپ توندىرەدى, بىراق ول تابىسى تومەن جانە ورتاشا ەلدەردەگى ادامدارعا قاتتى اسەر ەتەدى. ددسۇ-نىڭ اۋا ساپاسىنا قاتىستى جاڭا نۇسقاۋلارى اۋا ساپاسىن جاقسارتۋدىڭ عىلىمي نەگىزدەلگەن جانە پراكتيكالىق قۇرالى سانالادى. مەن بارلىق ەلدى, قورشاعان ورتانى قورعاۋ ءۇشىن كۇرەسەتىندەردىڭ ءبارىن قايعى-قاسىرەتتى ازايتۋعا شاقىرامىن», دەدى ددسۇ باس ديرەكتورى تەدروس ادانوم گەبرەيسۋس.
ددسۇ ساراپشىلارى اۋاداعى كومىرتەگى مولشەرىن جۇيەلى تۇردە ولشەۋدى, شىعارىندىلار مەن لاستانۋ كوزدەرىن تۇگەندەۋدى ۇسىنادى. مەملەكەتتىك بيلىك ورىندارى عالىمداردىڭ پىكىرىنشە, جاڭا ستاندارتتار ازىرلەپ, اتموسفەراداعى زياندى بولشەكتەردى ازايتۋ جونىندەگى نىسانالى كورسەتكىشتەردى بەلگىلەۋى, شىعارىندىلاردىڭ ادام دەنساۋلىعىنا اسەرىن باعالاۋ تاسىلدەرىن ىلگەرىلەتۋ ءۇشىن عىلىم مەن تەحنولوگيانىڭ جاڭا جەتىستىكتەرىن ەنگىزۋى كەرەك. سونداي-اق ددسۇ كوشەلەردەگى زيان شاڭمەن شىعاتىن گازداردىڭ مولشەرىن ازايتۋ ءۇشىن قالالىق كەڭىستىكتى مۇقيات جوسپارلاۋدى ۇسىنادى.
