ەگۋ پۋنكتى مۇز ايدىنى اۋماعىندا, ءبىرىنشى قاباتتا ورنالاسقان. نۇر-سۇلتان قالاسى اكىمدىگىنىڭ ىشكى ساياسات ءبولىمى مالىمەتىنشە, ساۋدا جانە ويىن-ساۋىق ورتالىعىندا جوندەۋ جۇمىستارى اياقتالعان سوڭ, مۇز ايدىنى قايتادان جۇمىسىن باستايدى.
«قازىرگى ۋاقىتتا قالا تۇرعىندارىنىڭ 66 پايىزدان استامى ۆاكتسينانىڭ ءبىرىنشى كومپونەنتىن الدى. ۆاكتسيناتسيا ءسىزدىڭ دەنساۋلىعىڭىز بەن جاقىندارىڭىزدىڭ دا دەنساۋلىعىن قورعايدى.
قازىرگى ۋاقىتتا قالا بويىنشا ساۋدا ورتاقىتارى جانە ساۋدا ۇيىندە 5 ۆاكتسيناتسيا پۋنكتى ورنالاسقان. ولار: «كەرۋەن» سوو, «حان شاتىر», «ازيا پارك», «ابۋ دابي پلازا» جانە «ەۆرازيا» سوو. ۆاكتسيناتسيا پۋنكتتەرى مەديتسينالىق مەكەمەلەردە دە ورنالاسقان. بارلىعى 84 ۆاكتسيناتسيا پۋنكتى بار. سونداي-اق ەڭبەك ۇجىمدارىن ۆاكتسيناتسيالاۋ ءۇشىن كوشپەلى بريگادالار دا جۇمىس ىستەيدى», دەلىنگەن حابارلامادا.
الەۋمەتتىك جەلىلەردە Mega Silk Way ساۋدا جانە ويىن-ساۋىق ورتالىعى وكىلدەرى ەكپە پۋنكتىن كەيىنىرەك باسقا جەردەن اشۋدى جوسپارلاپ وتىرعانى ايتىلدى. الايدا اشىلۋ كۇنى مەن ورنى ءالى بەلگىسىز.
دەنساۋلىق ساقتاۋ باسقارماسىن ءباسپاسوز قىزمەتىنىڭ مالىمەتىنشە, Mega Silk Way-دە ءبىرىنشى كومپونەنتتى سالدىرعان تۇرعىندار ەكىنشى كومپونەنتتى ساۋدا ورتالىعىنداعى نەمەسە كەز كەلگەن اشىق ەكپە پۋنكتتەرىنەن الا الادى.
ء«بىز, ارينە, تۇرعىندارعا ءبىرىنشى دوزانى قايدا السا, ەكىنشى دوزانى دا سول جەردەن الۋعا كەڭەس بەرەمىز. بىراق بۇل جاعدايدا جانە باسقا جاعدايدا, بۇل ماڭىزدى ەمەس», دەدى ءباسپاسوز قىزمەتى.
