ايماقتار • 23 قىركۇيەك، 2021

جامبىل وبلىسىندا سودا وندىرەتىن زاۋىت قۇرىلىسى باستالدى

20 رەت كورسەتىلدى

بۇل - يندۋستريا 4.0 جاڭا ونەركاسىپتىك قۇرىلىمى تالاپتارىنا سايكەس سالىنىپ جاتقان قازاقستانداعى العاشقى زاۋىت، دەپ جازادى Egemen.kz.

ەكولوگيالىق تۇرعىدان تازا كاسىپورىن بولادى. «كالتسيلەندىرىلگەن سودا ءوندىرىسى» دەپ اتالاتىن پەرسپەكتيۆالىق ينۆەستيتسيالىق جوبا يندۋستريالاندىرۋ كارتاسىنا ەنگىزىلگەن. زاۋىت تۇرىك ينۆەستورلارى – Yildirim Group كومپانياسىنىڭ قاتىسۋىمەن ىسكە اسىرىلۋدا.

قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جامبىل وبلىسىنا جۇمىس ساپارى بارىسىندا كالتسيلەندىرىلگەن سودا ءوندىرىسى بويىنشا «Qazaq Soda» جشس زاۋىتىنىڭ ىرگەتاسىن قالاۋ راسىمىنە قاتىستى.

«زاۋىت ىسكە قوسىلعاندا ەلىمىزدىڭ وسى ونىمگە دەگەن ىشكى قاجەتتىلىگىن تولىق قامتاماسىز ەتىپ، شيكىزات قاۋىپسىزدىگى مەن يمپورتتى تولىق الماستىرۋدان باستاپ، ەكسپورتقا باعدارلانعان زاماناۋي كاسىپورىن قۇرۋعا دەيىنگى كوپتەگەن ماسەلەلەردى شەشەدى. سونىمەن قاتار، وبلىستا جاڭا تۇراقتى جۇمىس ورىندارى اشىلىپ، بيۋدجەتكە سالىق تۇسەدى»، دەپ اتاپ ءوتتى بەيبىت اتامقۇلوۆ.

جوبانىڭ نەگىزگى ەرەكشەلىكتەرى: كالتسيلەندىرىلگەن سودا ءوندىرىسى كەزىندە قالدىقتاردى كادەگە جاراتۋ پروتسەسىن جەتىلدىرۋگە بايلانىستى بەس پاتەنت; ديستيللياتسيالىق شلامنان جاناما ونىمدەر ءوندىرۋ (جىلىنا 500 000 توننا شيكى CaCl2 جانە جىلىنا 100 000 توننا NaCl); كاسىپورىنعا جاقىن ماڭدا - سارىسۋ اۋدانىندا جوعارى ساپالى اكتاس پەن تاس تۇزىنىڭ ەداۋىر قورىنىڭ بار ەكەنى.

ءونىمنىڭ نەگىزگى تۇتىنۋشىلارى: «قازاقستان ءاليۋمينيى» اق، «اقتوبە حروم قوسىلىستارى زاۋىتى» جشس، «قازفوسفات» جشس، «قازمىرىش» جشس سياقتى ەلىمىزدىڭ ءىرى كاسىپورىندارى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار