سولاردىڭ ءبىرى – پارتياىشىلىك پرايمەريزدەردىڭ جەڭىمپازى, تۇركىستان وبلىستىق ءماسليحاتىنىڭ دەپۋتاتى دينارا ەگامبەرديەۆا. بەلسەندى ازاماتتىق ۇستانىمىنا سۇيەنە وتىرىپ, «بولاشاق» باعدارلاماسى بويىنشا نوتتينگەم ۋنيۆەرسيتەتىنىڭ تۇلەگى قىسقا ۋاقىت ىشىندە كوپتەگەن يگى ءىس اتقاردى.
ول ءوز ەسەبىنەن سايرام اۋداندىق اۋرۋحاناسىنا وكپەنى جاساندى تىنىستاندىرۋ اپپاراتى مەن 10 وتتەگى باللونىن ساتىپ اپەردى, 20 مىڭ مەديتسينالىق ماسكا تاراتتى. سونداي-اق «باقىتتى وتباسى» پارتيالىق جوباسى اياسىندا 112 مۇقتاج وتباسىنى ەڭ قاجەتتى تاۋارلارمەن قامتاماسىز ەتتى.
پارتيانىڭ تاعى ءبىر وكىلى –
قوستاناي وبلىستىق ءماسليحاتىنىڭ دەپۋتاتى دينارا شۇكىجانوۆا. ول ەڭبەك جولىن سوكولوۆ-سارىباي تاۋ-كەن بايىتۋ وندىرىستىك بىرلەستىگىندەگى Nur Otan پارتياسىنىڭ اۋداندىق فيليالىندا باستاپ, سودان كەيىن «اگروماشحولدينگ KZ» اق-عا اۋىسقان.
ونىڭ باستاماسى بويىنشا حولدينگ تاراپىنان ەرەكشە قاجەتتىلىگى بار بالالاردى بەيىمدەيتىن لاگەرگە اقشا اۋدارىلدى. ول ينجەنەر مامانداردى وقىتۋ ءۇشىن كورپوراتيۆتىك ۋنيۆەرسيتەت اشۋعا باستاماشى بولدى. سونىمەن قاتار كاسىبي قىزمەتىنەن بولەك, قوستاناي قالاسىنداعى كامەلەتكە تولماعانداردى بەيىمدەۋ ورتالىعىنا كومەكتەسىپ, قايىرىمدىلىقپەن اينالىسادى.
نۇر-سۇلتان قالالىق ءماسليحاتىنىڭ دەپۋتاتى سالتانات دجەنالاەۆا دا پارتيالاس ارىپتەستەرىنەن قالىسپادى. كارانتين كەزىندە ول ەلورداداعى 500-دەن استام كوپبالالى جانە از قامتىلعان وتباسىنى ازىق-تۇلىك, ءدارى-دارمەكپەن قامتاماسىز ەتتى. سونداي-اق جاڭاوزەن قالاسىنداعى گەمودياليز ورتالىعىن زاماناۋي جابدىقتارمەن جاراقتاندىرۋعا كومەك كورسەتتى.
اقتوبە قالالىق ماسليحاتىنداعى Nur Otan پارتياسىنىڭ دەپۋتاتى ارداق وتەگەنوۆ «قارعالى» تۇرعىن الابى مەن سارباز اۋىلىن «گاۋھار» باۋ-باقشا ۇجىمىمەن جالعايتىن 80 مەترلىك اسپالى كوپىر سالدى. ول اۋدانداردى ارالاي ءجۇرىپ, تۇرعىندار وزەننىڭ ارعى بەتىنە ءوتۋ ءۇشىن قانداي قيىندىق شەگىپ جۇرگەنىن كورگەن. بۇل ماسەلەنى شەشۋ ءۇشىن دەپۋتات ساپا مەن قاۋىپسىزدىك تالاپتارىنا ساي كەلەتىن بەرىك كوپىر تروستارىنا تاپسىرىس بەرىپ, ەكى جاعىنان تەرەڭدىگى 4 مەتر شۇڭقىرلار قازدىرىپ, ءمونوليتتى بەتونمەن قۇيدىردى.
ء«بىزدىڭ بارلىق تىرشىلىك كوزىمىز – ارعى بەتتە. قالامەن بايلانىس, اۆتوبۋس ايالدامالارى, دۇكەندەر دە سوندا. كۇندەلىكتى نانىمىزدى ساتىپ الۋ ءۇشىن دە سول ەسكى كوپىردەن وتەتىنبىز. ال ونىڭ ساپاسى كوڭىل كونشىتپەيتىن. سوندىقتان دا ءبىز ەسكى كوپىردەن وزەن سۋى تايازداپ, تىنىشتالعاندا عانا ءوتىپ جۇردىك. جاڭا اسپالى كوپىر سالىپ, يگى ءىس جاساعان دەپۋتاتقا العىسىمىز زور», دەيدى «گاۋھار» باۋ-باقشا ۇجىمىنىڭ مۇشەسى تامارا مۇحامبەتياروۆا.
ەڭبەك جولىن قاراپايىم جۇك تيەۋشىدەن باستاعان Nur Otan پارتياسى اتىراۋ قالالىق ءماسليحاتىنىڭ دەپۋتاتى قارشىعا جاۋىمباەۆ 2006 جىلى ءوزىنىڭ «قارا-بۋرا» اۋىل شارۋاشىلىعى كاسىپورنىن اشتى. اۋىلداستارىنا ۇنەمى قولۇشىن سوزىپ كەلە جاتقان ول كارانتين كەزىندە جالعىزباستى قارتتارعا 100 مىڭ تەڭگەدەن قارجىلاي كومەك كورسەتىپ, مىڭنان استام مۇقتاج وتباسىنا ءدارى-دارمەك جەتكىزدى.
پرايمەريزگە بەلسەنە قاتىسقان الماتى وبلىستىق ءماسليحاتىنىڭ دەپۋتاتى بەكەت ابىشەۆ از قامتىلعان 11 كوپبالالى وتباسىنىڭ تۇرعىن ءۇي ماسەلەسىن شەشۋگە كومەكتەستى. ول وسى وتباسىلارعا ارناپ ءوز قارجىسىنا قاراساي اۋدانىندا ءۇي سالدى. ءوزى سپورتشى دەپۋتات تۋعان اۋىلىندا اۋەسقوي فۋتبول كلۋبىن ۇيىمداستىردى, كۇرەسپەن اينالىسۋ ءۇشىن ارنايى زال جابدىقتاپ, وكرۋگتەگى العاشقى كوكپار كومانداسىن جاساقتادى.
تاعى ءبىر مىسال رەتىندە شىمكەنت قالالىق ءماسليحاتىنىڭ دەپۋتاتى, ەرەكشە بالالارعا ارنالعان كومەكشى مەكتەپ-ينتەرنات ديرەكتورى جادىرا تاڭاتاروۆا تۋرالى دەرەكتەرمەن بولىسە كەتەيىك. كوپبالالى انا دەپۋتاتتىق قىزمەتتەن بولەك, قايىرىمدىلىقپەن اينالىسىپ, مۇقتاج جاندارعا ازىق-تۇلىك سەبەتتەرىن تاراتۋ, ەرەكشە قاجەتتىلىكتەرى بار بالالارعا ارنايى جابدىقتار ساتىپ الۋ اكتسيالارىن ۇيىمداستىرادى. دەپۋتات تۇرمىس-تىرشىلىگى قيىن 500-دەن استام وتباسىنا كومەكتەستى.
ەسكە سالا كەتەيىك, وتكەن سايلاۋدىڭ قورىتىندىسى بويىنشا بارلىق دەڭگەيدەگى ماسليحاتتارداعى Nur Otan فراكتسيالارىنىڭ قۇرامى 65%-عا جاڭاردى. پارتيا اتىنان سايلانعان دەپۋتاتتاردىڭ ورتاشا جاسى 6 جىلعا جاسارىپ, 45 جاستى قۇرادى. ايەلدەر سانى 11-دەن 30%-عا دەيىن, ال 35 جاسقا دەيىنگى جاستار سانى 16-دان 23%-عا دەيىن ارتتى.
