وقيعا • 22 قىركۇيەك, 2021

الماتىداعى اتىس: سوت كۇدىكتىنىڭ ايەلى تۇسىرگەن شاعىمدى كەيىن قارايدى

370 رەت

كورسەتىلدى

1 مين

وقۋ ءۇشىن

سوت الماتىلىق اتقىشتىڭ ايەلى يگور دۋجنوۆتىڭ شاعىمىن قاراۋدى كەيىنگە قالدىردى, دەپ حابارلايدى Egemen.kz.

گاۋھار قاپاش

الماتىداعى اتىس: سوت كۇدىكتىنىڭ ايەلى تۇسىرگەن شاعىمدى كەيىن قارايدى

22 قىركۇيەكتە الماتى قالالىق سوتى انايدا دەميرچياننىڭ شاعىمىن قارادى. اقبۇلاق مولتەكاۋدانىنداعى اتىسقا كۇدىكتىنىڭ ايەلى وتباسىن ۇيدەن شىعارۋ تۋرالى شەشىمگە اپەللياتسيالىق شاعىم تۇسىرگىسى كەلگەن. ونى بۇرىن اۋداندىق سوت قابىلداماعان.

سوت باستالعاندا سۋديا حاتشىدان تاراپتاردىڭ وتىرىسقا كەلگەن-كەلمەگەنىن سۇرادى. الايدا داۋلى ءۇيدىڭ جاڭا قوجايىنى, تالاپكەر نۇراحمەت تۇرعانوۆ سوت وتىرىسىنا كەلمەدى. ول 20 قىركۇيەكتە ءۇي يەسى قولىنان قازا تاپقان بولاتىن. سوت وتىرىسىندا مارقۇمنىڭ ادۆوكاتى قورعاۋشىسىنىڭ كەلمەگەنىن مالىمدەدى.

وسىعان بايلانىستى, سوت تالاپكەردىڭ قازا بولعانى تۋرالى كۋالىكتى اكەلۋدى تالاپ ەتتى. بۇل قۇجات ءالى دايىن بولماعاندىقتان, سوت شاعىمدى قاراۋدى 5 قازانعا قالدىردى.

بۇعان دەيىن الماتىلىق اتقىشتىڭ ايەلى انايدا دەميرچيان وتباسىن ۇيدەن شىعارۋ تۋرالى شەشىمگە اپەللياتسيالىق شاعىم تۇسىرگەن.

ەستەرىڭىزگە سالا كەتەيىك, وقيعا 20 قىركۇيەكتە كەشكە بولعان, شامامەن ساعات 17.20 شاماسىندا اقبۇلاق مولتەكاۋدانىنداعى ءۇي يەسىنىڭ ءبىرى اڭشى مىلتىعىنان وق اتقان. ول سوت شەشىمىن ورىنداۋعا كەلگەن ادامدارعا وق جاۋدىردى. كۋاگەرلەردىڭ ايتۋىنشا, اتىس ءبىر مينۋت ىشىندە بولعان.