قازاقستاندىق دەلەگاتسيانى اقپارات جانە قوعامدىق دامۋ ءمينيسترى ايدا بالاەۆا باسقاردى. بۇل تۋرالى حالىقارالىق تۇركى اكادەمياسىنىڭ ءباسپاسوز قىزمەتى حابارلادى.
فورۋم اياسىندا بىرنەشە شارا ۇيىمداستىرىلدى. تۇركى كەڭەسىنىڭ جاس كاسىپكەرلەر فورۋمىندا بىلعارى سومكەلەر مەن ۇلتتىق ءداستۇرلى برەندتەردەن باتىل IT شەشىمدەرگە دەيىن ءتۇرلى جوبا ۇسىنىلدى. قازاقستاندىق قاتىسۋشىلار ەلەكتروندى كىتاپحانا جوباسىن تانىستىردى. ونىڭ كومەگىمەن وقۋلىق جەتىسپەۋشىلىگىن شەشۋ تۋرالى ايتتى.
كەزدەسۋ مەن تۇركى كەڭەسىنىڭ ءبىرىنشى IDEA جاس كاسىپكەرلەر فورۋمى قورىتىندىسى بويىنشا مينيسترلەر ىنتىماقتاستىق تۋرالى مەموراندۋمعا قول قويدى.
سونىمەن قاتار تۇركى كەڭەسى ەلدەرى اراسىنداعى ۋنيۆەرسيادا قازاقستاندا وتەتىنى بەلگىلى بولدى. ال كوشپەندىلەر ويىنى كەلەسى جىلدىڭ كۇزىندە تۇرىكتىڭ بۋرسا قالاسىندا وتەدى دەپ جوسپارلانعان.
باسقوسۋدا تۇركى كەڭەسى ەلدەرى اراسىندا باسكەتبولدان ءبىرىنشى تۋرنير وتكىزۋ تۋرالى ۇسىنىس تا ايتىلدى.
ايتا كەتەيىك, العاشقى تۇركى سپورتتىق ويىندارى (تۇركى ۋنيۆەرسياداسى) 2018 جىلى باكۋدە وتكەن بولاتىن.
