الەم • 22 قىركۇيەك، 2021

ءۇندىستان پورتىندا اۋعانستاننان جەتكىزىلگەن 3 توننا گەروين تاركىلەندى

21 رەت كورسەتىلدى

ءۇندىستاننىڭ گۋدجارات شتاتىنداعى پورتتا جۇرگىزىلگەن اۋقىمدى وپەراتسيا اياسىندا كونتراباندامەن كۇرەس جونىندەگى قىزمەت شامامەن 2،7 ملرد دوللار سوماعا باعالانعان ءۇش تونناعا جۋىق گەروين تاركىلەدى، دەپ حابارلايدى Egemen.kz BBC-گە سىلتەمە جاساپ.

تاۋار تالك رەتىندە اۋعانستاننان بەندەر-ابباس يران پورتى ارقىلى جەتكەن. ءۇندىستاننىڭ سالىقتى بارلاۋ قىزمەتى (DRI) ەلگە كەلە جاتقان جۇكتىڭ ىشىندە ەسىرتكى بار ەكەنى تۋرالى اقپارات الدى. بارلاۋ قىزمەتىنىڭ دەرەكتەرى بويىنشا، تاۋاردى ەلدىڭ وڭتۇستىگىندەگى ۆيدجاياۆادا قالاسىنداعى ءۇندى كومپانياسى يمپورتتاعان.

ەسىرتكىنى زاڭسىز اينالىمعا ەنگىزۋ ءىسى بويىنشا ەكى ادام ۇستالدى، تاعى بىرنەشە ادام تەرگەلىپ جاتىر. ولاردىڭ قاتارىندا اۋعانستان ازاماتتارى بار. قىلمىستىق ساراپتاما الداعى ۋاقىتتا تاركىلەنگەن ەسىرتكىنىڭ ناقتى قۇنىن انىقتايدى. ءتىنتۋ شارالارى سونىمەن قاتار دەلي، احماداباد جانە چەنناي سياقتى قالالاردا دا ءوتتى.

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار