ايماقتار • 21 قىركۇيەك، 2021

شقو-دا كەزەكتى ناركوكۋرەر ۇستالدى

32 رەت كورسەتىلدى

التاي اۋدانىنداعى تاس جولدا ەسىرتكى ساۋداسىمەن اينالىسقان ەر ادام ۇستالدى، دەپ حابارلايدى Egemen.kz Polisia.kz-كە سىلتەمە جاساپ.

2021 جىلعى 1 ماۋسىم مەن 31 قازان ارالىعىندا شىعىس قازاقستان وبلىسىنىڭ اۋماعىندا ەسىرتكى دايىنداۋ جانە وتكىزۋ فاكتىلەرىن انىقتاپ، جولىن كەسۋگە باعىتتالعان «قاراسورا» جەدەل-الدىن الۋ ءىس-شاراسى وتكىزىلۋدە.

جەدەل الدىن الۋ ءىس-شاراسى بارىسىندا التاي اۋداندىق پب كريمينالدىق پوليتسيا قىزمەتكەرلەرى 25 جاستاعى قالا تۇرعىنىن ۇستادى، ول ءوزىنىڭ Nissan اۆتوكولىگىندە اسا ءىرى مولشەردە ەسىرتكى زاتتارىن ساقتاعان. كريمينالدىق پوليتسيا قىزمەتكەرلەرى فولگامەن ورالعان جانە تاسپامەن جابىلعان 115 پوليەتيلەن پاكەتتەرىن، قارا ءتۇستى ەكى سومكەنى، فولگا، ءبىر مەديتسينالىق قولعاپ، ەكى ۇيالى تەلەفون مەن قۇجاتتاردى تاركىلەدى.

سوت-حيميالىق ساراپتامانىڭ قورىتىندىسىنا سايكەس، زەرتتەۋگە ۇسىنىلعان اق-سارعىش ءتۇستى ۇنتاق ءتارىزدى زاتتار «a-پيرروليدينالەروفەنون» پسيحوتروپتىق زات بولىپ تابىلادى. جالپى سالماعى 51،72 گرامم. ەسىرتكى قۇرامىندا مەفەدرون پسيحوتروپتىق زاتى بار ەكەنى انىقتالدى. مەفەدروننىڭ جالپى سالماعى - 14،48 گرامم.

اتالعان فاكتى بويىنشا قر قك 296-بابى 4-بولىگى «ەسىرتكى قۇرالدارىن، پسيحوتروپتىق زاتتاردى، سول تەكتەستەردى اسا ءىرى مولشەردە وتكىزۋ ماقساتىنسىز زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ» بويىنشا سوتقا دەيىنگى تەرگەۋ باستالدى.

1

سوڭعى جاڭالىقتار

ۇقساس جاڭالىقتار