«جاۋىنگەرلەرگە ريزاشىلىعىمدى بىلدىرگىم كەلەدى. ءبىز ۇمىتپايمىز. قالىپ كەتكەن ساربازدار مەن ولاردىڭ لاگەرلەر مەن تۇرمەلەرگە جابىلعان جاقىندارى ءۇشىن كەشىرىم سۇرايمىن. فرانتسيا رەسپۋبليكاسى ولارعا قارىزدار», دەدى ەممانۋەل ماكرون.
Euronews جازۋىنشا, پرەزيدەنت الجير ساربازدارىنىڭ ەڭبەگىن مويىنداۋ جانە كەلتىرىلگەن زالالدى وتەۋ تۋرالى زاڭ دايىندالىپ جاتقانىن حابارلادى. بىرنەشە قاۋىمداستىق مۇنداي زاڭدى قابىلداۋعا كوپتەن بەرى ۇمتىلىپ كەلەدى. وتەماقى مولشەرىن ەسەپتەۋ ارنايى كوميسسياعا جۇكتەلەدى.
ءالجيردىڭ تاۋەلسىزدىك سوعىسى 1954-1962 جىلدارى بولدى. 200 مىڭعا جۋىق الجيرلىك فرانتسۋزدار جاعىندا سوعىسقان وتريادقا الىندى. سوعىس اياقتالعاننان كەيىن ولاردىڭ كوبى الجيردە قالىپ كەتتى جانە قۋعىنعا ۇشىرادى. ال فرانتسيادان كومەك سۇراعان ون مىڭداعان ادام ارنايى لاگەرلەرگە جىبەرىلدى. وندا ءومىر ءسۇرۋ جاعدايى وتە قيىن بولدى.
